网传疑似护老院员工 赤手「洗碗式」舀汤 网民：屋企系咪咁样装汤？｜Juicy叮
发布时间：14:11 2025-04-24 HKT
网上近日流传一段厨房舀汤短片，片中穿制服工作人员的赤手「洗碗式」舀汤方法令网民侧目。
匿名的楼主以「喺小红书见到。只知道柴湾老人院」为题，在facebook群组「香港老人院黑店大全及黑幕踢爆关注组」转载一段小红书短片。片长约16秒，穿红色制服的员工正在舀汤，但无使用汤勺，而是拿著碗直接舀汤，做法令网民哗然。详情见下图及下文：
赤手「洗碗式」舀汤逐张睇↓↓↓↓
片中见到手推车上共有12个白色碗，短片开始时见大部分碗已盛满汤，员工正为最远处的两碗舀汤，接著把另外两碗半满的添满，完事后准备把手推车推走。由于涉事短片已在小红书内删除，短片的拍摄背景等其他疑问，暂时无从稽考。回应的网民仅从短片见到的情况谈论。
有人直接反问「无汤勺？」，有人则认为「用汤勺仲快捷，睇唔到有乜好处」。有网民甚至形容做法似洗碗，指「洗碗咋嘛」、「洗碗水」、「你同洗碗有咩分别呀？」、「老人家饮洗碗水，讲卫生识条铁咩」、「哗……咁都得，啲老人家咪喺到饮洗碗水，老人院无汤勺㗎？」。
对于有网民提问「其实系咩问题呢，用个碗装汤？」，有人于是反问「你屋企系咪咁样装汤？」。有眼尖的网民更发现到「如果系汤，冇乜料，糖水又唔似」，而且片中人「唔戴手套」，但有人无奈称「戴同唔戴都无分别，佢做得出咁样，我估佢都一对手套走天涯」。有网民则认为「睇厨房似好OK，可惜请咗呢啲人」。
相关阅读：西环食肆3万月薪请洗碗清洁工 网民嫌辛苦 计出时薪仅$XX
赤手「洗碗式」舀汤逐张睇↓↓↓↓
网民无奈：眼唔见就系干净
有网民则奇怪「点解会俾人影片」、「点解会俾人影到」、「俾人影住仲继续做，离晒大谱」，而且「角度还那么清楚清𥇦」。于是有人估计「即系佢觉得冇乜问题先至会俾人任影？」、「其实会唔会以为自己好专业，专登影片俾人睇」、「佢觉得冇问题先好嘢」。有人则猜测「多数是自己同事拍摄，如院友家人见到即闹了！」。
另有细心的网民分析，「睇佢衣著，我估似系外聘职员。唔知我有无睇错，好似把腰封围在制服外，仲要挂腰包。正常机构对自己职员穿著制服是有要求的，只有外聘职员觉得自己系冇王管，钟意点著就点著、钟意点做就点做。咁嘅手势舀汤，唔似接受过任何本地训练，似佢在屋企做开佢平时嘅手势」。
有似乎知情的网民回应「私院我就唔知，NGO（非政府组织，Non-Governmental Organization）正职腰封外穿冇问题，替假如果恃著冇王管嘅心态，佢会即时被叫走」、「我哋做管理的，开餐前一定要有职员入厨房打点」。
此情此景，也有网民无奈地表示「我想讲，就算系酒店，呢个情况一样会发生，唉」、「好多都系咁样啦，甚至仲衰啲都大把」、「讲得好，眼唔见就系干净」、「其实你出街食饭你都睇唔到佢点整」。
相关阅读：酒楼老火汤舀到「洗碗布」 饮完煲底惊骇现身 酒楼居然「咁样兜」↓↓↓↓
有广州网民全家到一间酒楼食晚饭，叫了一大煲老火汤，饮到煲底，汤中惊骇地浮现一大块「洗碗布」，食客即时反胃呕吐大作。
点解汤煲内有「洗碗布」？酒楼主管稍后到来，面对质询，谁料居然「咁样兜」，令食客怒上加怒。事件发生在上周六（18日）下午，事件在网上引发热议。老火汤惊现「洗碗布」 酒楼居然「咁样兜」（足本字幕版）↓↓↓↓
