首派井字型公屋「小朋友觉得惊」 港妈苦恼：要唔要好？网民咁睇｜Juicy叮
发布时间：16:50 2025-04-23 HKT
有港妈等9年首派大围新翠邨井字型公屋，现场视察单位时，「屋外望落去小朋友觉得惊」，而且亦感该公屋楼龄达40年，未知是否接纳今次首派，上网求教网民，结果获热烈回应。
首派井字型公屋「小朋友觉得惊」 港妈苦恼：要唔要好？网民咁睇...↓↓↓↓
该位港妈日前在「香港公营房屋讨论区(FB版)」FB专页发帖，她们一家排「扩4」排了近9年，最近首派新翠邨新杰楼一单位，新杰楼是井字型公屋。
她在帖文中请教网民：「请问要唔要好？新翠好住吗？去睇过单位做紧翻新工程，屋外望落去小朋友觉得惊。」
另外，她又担心：「新翠附近好似唔多觉有街市？如果去附近街市最近要行几耐左右？新翠都成40几年楼龄，其实会唔会重建之类？」
楼主称自己接受 但小孩及另一半均不太钟意
她其后又补充，该单位不是问题单位，「我系ok ga，不过我另一半唔太钟意，加上小朋友佢地太细，佢地望落井字形楼觉得惊，所以我仲十五十六紧。」
不少网民指出新翠邨井字型公屋其实「间隔好用」「好住」，交通方便，而且校网好，建议楼主可以考虑接纳，「好住，租平，交通方便，正嘢。」「大围简直正啦！交通方面，有小朋友就校网好。」
「沙田正，交通方便，校网好，新翠是旧些，间格好用，自己整靓咪得。」「沙田区嚟讲，如果唔系问题单位真系一流。」
估计重建机会不大：60几年都未重建
至于新翠邨40年楼龄会否重建？不少网民以自身经验认为重建机会不大：「40几年点会咁快有机会重建，我谂住20年都未必会。」「（观塘）和乐邨六十几年都未重建啦。」
「大围简直正啦！」街坊大赞方便
有街坊亦留言，大赞新翠邨交通及购物都非常方便：「新翠（邨），我新楼住到而家，超级好住。」「大围街市超多嘢买，大围去边都方便。」
「五分钟行过去隆亨街市好快㗎咋，同埋新翠真系去边度都好方便。」
「大围十分好住，我刚刚搬入一年，交通超方便去边都得，街市有两个隆亨街市，大围街市，隆亨有惠康，新翠有百佳，再唔系就去围方都有超市。」
网民指因人而异吁别勉强
不过，有网民则认为各人情况不同，若家人真心理上抗拒井字型公屋，便不要勉强接受：「我自己都有小朋友，唔会要井（字型公屋），除非3次都......我会搏第二派。」
「朋友惊就唔好要，另一半又唔钟意，咁住落都唔开心。」
同场加映：获派「自然身故」公屋竟是宝？！过来人「这理由」力劝事主接纳：住得好舒服↓↓↓↓
