启德BB连人带车被丢便利店外 惊揭外佣凑B疑严重疏忽照顾 仗义港妈：我企到个姐姐返嚟｜Juicy叮
发布时间：13:31 2025-04-21 HKT
启德早前发生婴儿被独留街头令人揪心的一幕。事件中的BB怀疑连人带车遭外佣丢低在便利店外，被路过的港妈及时发现从旁守护，「企到个姐姐返嚟」。
港妈当时不但即场训斥涉事外佣，事后更仗义执言，在网上公开事情，希望最终能让BB的家长见到，避免潜在悲剧的发生。详情见下图及下文：
启德BB连人带车被丢便利店外逐张睇↓↓↓↓
楼主发长文讲述事件经过
楼主早前在facebook群组「启德居民自由讲～」上载外佣姐姐推著BB车的背影相片，发长文讲述事件经过——
「大家如果知道呢个姐姐同小朋友，记住同返个家长讲。我啱啱（4月17日）2:30pm行过7-11（便利店），见到个BB自己坐喺架（BB）车度，自己一个，离7-11门口2m（2米）远。
我企咗2min（分钟）见到有另一个姐姐走出嚟，我问佢系唔系佢（BB）姐姐，佢话佢（BB）姐姐喺里面买紧嘢。我见7-11如常排长队等俾钱，点都好，佢应该抱埋BB入去！
等佢出咗嚟我闹咗佢，同佢讲好危险，个小朋友可能会俾人推走咗。佢仲话佢叫佢朋友出嚟睇，我话我嚟𠮶阵佢得自己一个！佢下次唔可以咁，比我见到我就同佢雇主讲。
麻烦雇主或有人话比佢雇主知，都唔好闹姐姐，同佢讲声好啦，因为怕佢之后唔知点对BB」。
楼主在回应栏补充：我企到姐姐到先走；BB无事，我当时企到个姐姐返嚟，同佢讲；我话佢唔可以就咁摆低小朋友，佢仲话佢揾咗佢朋友睇，我话我嚟到嘅时候见到小朋友自己一个喺度，身边无人。同佢讲下次再见到我就同佢雇主讲。
相关阅读：港妈爆被菲佣骗了5年？「我们只是她计划中的一环！」待如家人送金饰结果竟是...
启德BB连人带车被丢便利店外逐张睇↓↓↓↓
附近街坊留言附和
回应的网民批评外佣做法，指「咁样嘅工作态度，我绝不苟同」；另有人称「个仔又唔系佢亲生，唔见咗都无咩所为。今时今日啲姐姐……」。
有附近街坊留言附和，「其实启德好多姐姐都好差。每日都见到啲姐姐带住啲狗坐喺公园，只狗就俾人绑咗喺度几粒钟。姐姐喺度玩电话、玩脚趾跳舞；带小朋友落楼返学个姐姐系咁叫小朋友shut up（收声）之后一路自己行无理过小朋友；带公园玩𠮶啲放个小朋友玩，自己玩电话、倾电话，得闲影一两张相俾阿mom（女雇主）交差等等......真系好差」。
相关阅读：红磡禁烟公园内吞云吐雾 外佣懒理小妹妹食二手烟 网民发现另一惊人细节
勾起网民记起15年前荃湾阿爸揾仔一幕
BB事件还勾起网民类似的回忆，有人提到15年前在荃湾见到阿爸揾仔的一幕——
•网民甲：我早10多年前见有个男人推住BB车，冲埋嚟问我哋有无人见到推走另一架BB车，我哋话无呀，你手上呢架就系啰，做乜嘢？佢话唔系阿，系另一部阿，我是孖B，另一架俾人偷走咗，跟住喺荃湾MTR好多人帮佢四处睇下，仲通知地铁职员，搞到好大件事。佢话老婆去咗厕所，佢拧转头抽烟，唔想整到BB，点知抽完再拧转头就唔咗一架车，佢吓到面都白晒，好恐怖。
•网民乙：咁最后点呢？
•网民甲：我哋走之前都揾唔到，警察嚟咗拉佢行埋一边，跟住有人叫MTR开CAM（闭路电视）睇下边个推走BB。
•网民甲：其实当下佢系冲埋嚟好似癫咗系咁问人，你有无见到有人推住部BB车阿，我话无，佢马上又问我旁边𠮶个人，再不停个个问，我哋全部人问佢佢先讲，唔系阿，我仲有另一架BB车阿。佢老婆返嚟佢应该被老婆闹死都似，一眼都不能转。
•网民乙：应该用孖B车好啲。
•网民甲：15年前了。
资料来源：Candip Wong＠facebook
相关阅读：港铁外佣单手扯BB车搭扶手梯 乘客拦截不听：状况有点危险！↓↓↓↓
有网民在港铁坚尼地城站，遇见一名外佣竟以弯身单手方式，扯实BB车搭扶手电梯，险象环生，该网民出手拦截，但该外佣不听，一意孤行，连下两条扶手梯，「状况有点危险」。该网民在「西环变幻时」FB专页发帖，讲述事件如下↓↓↓↓
