复活节｜港女落马洲过境回程疑血糖低头晕 遇上好心人3大帮忙 一原因网上出Po急寻让座女｜Juicy叮
发布时间：11:24 2025-04-21 HKT
复活节长假尾声，入境口岸迎来回港人潮，期间上演了一则暖人心窝的小故事。3姐妹日前结束北上旅程，经落马洲口岸入境，其中一人疑因为血糖低而头晕不适，沿途遇上借凳、妹妹请食朱古力，和乘客让座的3大帮忙。原本疲惫的归途，都因为这些不期而遇的暖意成了柔软的忆记。
消受了陌生人的暖意，满怀「感激、感谢、感恩」之心的3姐妹还想借助网络威力，联络曾在港铁上热心让座且倾谈投契的好心女乘客。详情见下图及下文：
港女落马洲过境回程疑血糖低头晕 遇上好心人3大帮忙逐张睇↓↓↓↓
楼主昨日（20日）下午在社交平台Threads发长文讲述受助经过——
「寻晚4月19日，大约7pm左右，我与两个家姐，三姐妹从落马洲入境香港时，二家姐突然感到头晕，疑似血糖偏低。我哋喺香港入境大堂问人借咗张凳，俾佢稍作休息。
大约几分钟后，有一位大约5-6岁妹妹，拎住一件KitKat朱古力走嚟俾我二家姐。我哋都觉得好错愕，抬头望到远方见到妹妹的父母，妹妹父亲点头示意，妹妹母亲就话：血糖低，食件朱古力呀。（满满嘅爱心）。
二家姐食了朱古力，休息咗一阵，好了一点。大约8pm，我哋试扶住二家姐搭港铁去沙田。开始时，我哋想尝试揾个关爱座，但发现关爱座坐满了老人家。谂住行离车厢，再等下一班车。当刻，大家姐心想尽快送佢返屋企，就试下问一位女士，可否让座。呢位女士好好人，好快让出个座位，仲问使唔使要面包，以补充体力。
我哋连声道谢，沿途仲同呢位女士倾咗好耐。不过我哋喺沙田站落咗车后，有点后悔无问呢位女士拎IG（Instagram）。（我见你开IG俾相我哋睇时，我哋应该主动问你拎IG）如果有幸俾你见到呢篇嘢，麻烦你DM（Direct message，私信）我，以便联络。
呢两件事都令我感受到，香港人嘅人情味仍在，感激、感谢、感恩。#第一次出Post（帖文）#人情味 #香港人#落马州」。
楼主在回应栏补充：
•「其实家姐食咗朱古力后，都未系得。我哋买多樽汽水俾佢饮。抖咗大半个钟，佢好好多。之后我哋先同佢上火车⋯⋯」。
•「𠮶刻醒唔起。因为我同大家姐平时唔系搭火车回家的。寻日专登送二家姐去沙田先坐火车。同埋，电梯落去月台时见到系车尾位置，无想咁多上咗车了。我哋知道呢个女士应该系等咗两班车先会有位坐。所以请咗佢让位，我哋唔好意思，同埋都心存感激」。
相关阅读：复活节．持续更新︱返港注意！周一截至早上10时 逾16万人次出入境 港珠澳入境最繁忙
港女落马洲过境回程疑血糖低头晕 遇上好心人3大帮忙逐张睇↓↓↓↓
网民建议血糖低袋包糖
针对血糖低的问题，有网民建议「要袋住包糖就稳阵啲呀！」、「最好随身带啲糖，血糖低时好啱用」、「我都系有时会血糖低，所以我成日个袋都袋住啲糖」。另又人认为「血糖低晕咗就call（叫）白车啦，仲谂住逼港铁？」、「呢个情况应该坐的士，会舒服好多。火车／地铁人太多，太逼，空气又唔流通」。楼主回应时解释：「佢系想晕，企唔稳。如果真系晕低就紧系call白车啦」。
另有网民教路「下次有需要时可按紧急掣，去下一个站揾月台职员就会帮手，上MTR MOBILE（APP）各大车站资料和电话，话你依家喺第几月台、第几卡、第几门」。楼主回应时指「知道呀。不过𠮶刻二家姐已经好返啲，有返啲血色了。不过佢真系企唔到咁耐」。
网民赞：香港人嘅底子系好的
对于这桩好人好事，有网民指「世界好需要多啲呢种正能量post」、「好开心可以见到呢啲post，见多啲呢啲post就好」；并认为「其实香港仲系有好多好人的，只要有礼貌地问就一定得」、「香港人嘅底子系好的，今次之后，放定包糖在手袋里面，有时自己用唔到，但有机会会救人用㗎」。
有人更加提醒楼主「将人哋嘅爱，喺遇到有需要嘅人时再帮帮手。让爱传俾下一位」，楼主回应：「是呀。我哋都好有礼貌请人帮忙的，我哋都劲唔好意思，同埋讲咗好多次唔该晒」。
资料来源：cherrylvl＠Threads
相关阅读：复活节｜网民过关后直击福田口岸人海实况 旅客：准备来回头尾都要同人逼
复活节长假伊始，4月18日早上是港人外游的出境高峰期，旅客逼爆各个出入境口岸，放眼望去万头攒动。有经落马洲口岸北上的网民，过关后拍摄到深圳福田口岸外的热闹情况。楼主今早11时21分在facebook群组「深圳大湾区好去处开心share」以「以1个多小时前的福田口岸」为题发帖，上载一段长约7秒的短片。
