公共图书馆逾期还书 罚款拖足12年 大头虾港妈甘心被罚呢个银码｜Juicy叮
发布时间：13:19 2025-04-19 HKT
在公共图书馆借书逾期未还，往往都是无心之失。有港妈日前便在网上上载相片，讲述自己罚款拖足12年未还的大头虾经验；同时自爆因为一个理由，心甘情愿被罚呢个数目。
港妈日前在社交平台Threads以「公共图书馆逾期图书12年先还钱。今次真系赢咗99%香港人」为题发帖，上载还款单据。详情见下图及下文：
公共图书馆逾期还书 罚款拖足12年逐张睇↓↓↓↓
网民好奇：呢12年可唔可以出入境？
根据「香港公共图书馆」网站，逾期归还图书馆资料，每项成人图书馆资料／资料附件每天1.5元，最高罚款额130元。
从楼主上载的单据见到，过期罚款的金额为99元。据楼主自己解释，「点解系$99，唔系$130？系因为当年见到有本书喺屋企无还，就求其放落去图书馆还书箱。12年后借唔到书先还钱，大家唔好学」。
网民对楼主的情况大感好奇，指「12年先$99，真心平㖞」、「呢12年可唔可以出入境？」，楼主轻松回应指：「又无事㖞，可以去旅行」。
另有人查问「点解仲揾到（本书）」，楼主指：12年前还咗书但无俾罚款 」。对于获赞「有借有还大丈夫」，楼主坦言：唔可以俾个女学呀妈啲衰嘢啰」。
相关阅读：公共图书馆自修室惊变迷你仓 直击神秘男搬出搬入 被质问居然咁解释
不少网民分享同类经验
鉴于楼主用了「今次真系赢咗99%香港人」的潮语，引出了属余下1%的网民发言，分享同类经验：
•我系𠮶1%。上两个月终于还咗，22年……无记错封顶价系$130，再加本书嘅钱，最终用$200开启返我张图书证，多谢图书馆大人不记小人过。
•我细个大约3-4岁借咗本书，到依家30几岁都未还。
•我阿叔，巿政局年代借咗书冇还，而家都唔敢入公共图书馆。
•我都有本韩文书应该13-15岁时借，而家29岁都未还，唔知罚几钱。
•我试过揾唔返本书报失咗，过咗几年搬屋揾返，依家本身都仲keep（保留）系屋企。
•试过中五借咗，去到出嚟做嘢十几年先返图书馆报失，代价系$4XX，仲记得本书叫《废邮存底》。
•同大家分享一件我屋企人觉得我好搞笑嘅事件。当年（应该读u，大学）我迟咗还书，但系我冇乜时间喺office hour（办公时间）还书同罚钱，跟住我黐咗张10蚊胶银纸喺书上面塞咗落去还书箱（要罚$9.5），搞到图书馆打去我屋企同我屋企人讲要找钱，我老豆老母表示笑死。
•我都试过。好似争咗几百蚊，𠮶阵时对我嚟讲已经天价，想去借书做功课发现借唔到。手心又系肉、手背又系肉，焗住同屋企人讲，以为畀人Ｘ到飞起，但印象中只系好冷静咁带我去还钱同叫我以后唔好，如果唔系一世都唔好再借书。我真系好惊借唔到书，所以之后一睇完即刻扔落箱还咗先。
•我系预留咗本书冇去攞，从此冇入去过图书馆。十几年后再入去佢话你唔借得书，你争我哋钱。吓咁大镬？系$2预约费。好彩冇计息。
•上面好多1% ，我都系。无聊去整返张图书证先知自己20年前有本冇还，我连本书咩样都唔记得，最后收咗按金$37.3+ 逾期罚款$25。俾$25𠮶阵感叹咗一下：时间真系唔值钱（错晒）。
资料来源：leungabigail＠Threads
相关阅读：中央图书馆惊现全裸女！离奇4秒影片疯传震惊网民 康文署报警↓↓↓↓
本港社交平台早年疯传一段4秒影片，有网民拍到一名全裸女子，出现在铜锣湾中央图书馆，翻阅图书，旁若无人，影片离奇荒谬至极，震惊网民↓↓↓↓
