拍拖6年拟拉埋天窗 男方只肯影结婚相 港女一再退让：净搞观礼 准新郎坚拒 绝情说出6个字......｜Juicy叮

待嫁姑娘本应甜蜜开心，对未来新生活充满憧憬，但有港女却在答应男友求婚后，双方在筹备婚礼上出现分歧，加上准新郎抛出了一句狠话，令这位准新娘委屈巴巴，在无计可施、无人可倾诉底下，唯有在网上发长文大呻，并征询网民意见。网民也如实地讲出心底话，特别提醒要警惕「恋爱脑」。

楼主在长文中提到，拍拖6年，与男友准备拉埋天窗，但原来男方的底线是只肯影结𦈏相，坚拒其他婚礼的细节流程，即使准新娘一再退让要求只搞观礼，也被对方拒绝，且还绝情地说出令人心碎的6个字。详情见下图及下文：

拍拖6年拟拉埋天窗港女为婚礼一再退让逐张睇↓↓↓↓

楼主早前在社交平台Threads发帖详细讲述事件：「我好攰，我揾唔到人去倾诉呢件事。我同男朋友一齐咗6年，早几日佢向我求婚，求婚嘅场景系我想像过嘅，所以我都开心咁答应咗。

不过我无第一时间公布俾亲友知，因为我想先同佢倾吓大家对婚礼嘅想法同安排，确定到一啲嘢先公开。

我话佢知我理想系细搞嘅轻婚礼，大约邀请40-50位最亲嘅家人同朋友，唔摆酒，净系请佢哋观礼证婚，之后影下相，食吓小食咁，我问佢会唔会谂住约我哋两家人食餐饭先。

而佢话佢咩都唔想搞，好讨厌婚礼嘅细节流程，一嚟佢亲戚朋友唔多，唔想做show（表演），二嚟佢觉得呢啲嘢嘥钱，留番喺未来生活用好过，佢唯一接受到嘅就系影结婚相。

我话：咁如果只系删减到得观礼部分呢？
佢话：sorry（对不起），做唔到，你去揾其他人。

有无人明呢番说话令人几心痛，我哋连结婚第一个共识都未达到。当然我明白结婚系两个人嘅事，但我都想有啲仪式感去庆祝，你话系场show都好，但我都想做一次人哋眼中嘅新娘，接受最爱嘅人嘅祝福，唔知点解好似都系错，我以前都有向佢提过下想结婚邀请家人朋友，佢都无say no（说不），所以𠮶吓听到咁我好唔开心。

但我真系爱佢，一方面我唔想为难佢，但另一方面我觉得我如果我继续退让，我个心会留低遗憾。有无过来人可以俾意见我......」

网民坦荡荡地讲心底话

宁教人打仔，莫教人分妻，但鉴于关这事正处于关乎楼主终身幸福的人生交叉点，回应的网民都不讲客套话，坦荡荡地讲出心底话，指「揾第二个啦，根本唔夹」、「条仔都黐，咁都讲得出口」、「叫你揾第二个㖞，可以唔使结啦」、「我谂你应该听佢讲，咁你揾过第二个」、「两家人食饭唔系好普通？佢好似好难为」、「不要为嫁而嫁……未嫁都睇得出佢几自私」。

不少网民更加心细地作详细回复，像感情顾问般把事事一码一码地摊开慢慢分析↓↓↓↓

•我觉得婚姻呢件事可以有不同意见，但要识用大家都接受嘅方式攞出嚟讨论，而唔系单纯地一边迁就一边，我想搞，你唔想搞，一系就我说服到你一齐搞，一系就你说服到我一齐唔搞，咩叫做「咁你揾第二个」？

•而家分歧系婚礼形式，之后会系生唔生仔，生完仔租楼定买楼，买楼嘅话买边一区，会有好多唔一致嘅时候。作为女人，我唔希望你恋爱脑净系拣个你爱嘅男人，应该拣个你爱佢，同时可以一齐和谐相处地走落去嘅男人，跟住一个爱嘅人，而同时又可以相处得好先系真正嘅幸福。

•如果同亲友食个饭都难为佢的话，信我，不要浪费青春。老套啲讲，真正爱你的就算佢心里唔钟意都会陪你的，结婚真系唔止系两个人嘅事，未嫁就要委屈真系唔好嫁。

•就听佢讲，咪揾过第二个啰，净系凭呢句都知道夹硬结婚的话，后果系，唔开心只有你自己。我宁愿一个人开开心心过日子，今日爱佢啫，谂住呢句嘢作为动力，你就会爱少啲，减减下就可以负分，今日爱啫，你下年爱唔爱？3年后爱唔爱？佢都冇谂过你啦，你使乜谂佢呀。

•就算应承咗都唔一定要同呢个人结婚㗎㖞。系咪一定要同呢个人结？听落你哋都唔似有商有量，似您谂要点样去迁就佢多啲。不如您问下自己日常生活佢对您行为模式系咪都系咁？如果系，结咗婚只会越嚟越多呢种您一个人退让嘅情况。上错车早啲落车返屋企条路近啲啊，越搭越远车费只会越嚟越贵。

•其实你真系要三思，呢啲男人完全冇商量，一句就叫你揾第二个。其实佢就系睇死你同佢拍咗6年。你又想结婚 所以点都会硬食，迟吓结埋婚生埋仔，佢更加觉得你走唔甩，到时情况会更恶劣。记住，你系要揾一个可以同你一齐解决各种困难，互相迁就嘅伴侣，而唔系要一个完全冇计倾嘅男人。

•好好思考下呢6年你哋嘅相处，佢嘅好/唔好，你会唔会系挨打个方？迁就𠮶个，配合𠮶个，包容𠮶个？已经过咗6年，你会唔会想下一个6年，佢依然用呢个态度同你相处？唔好妄想男人婚后会变！You deserve better（你值得更好）。你值得拥有一个梦寐以求嘅婚礼，你值得所有亲朋好友嚟你婚礼祝福你，你值得拥有你想要嘅幸福。

•就算结咗，呢个位会在心中令你一世都有嘢银住唔开心。借呢个主题测试下你两个有冇能力共同解决问题，如果咁都解决唔到证明你哋唔适合行一世。条路自己拣。

不过，也有网民站于准新郎一方去看，指「有可能个男仔唔够钱搞咁多嘢呢。要知多啲内情先可以分析到。有时男仔财政压力大唔想讲咁多俾身边人听都会咁」。

资料来源：hongkongdating2021＠Threads

相关阅读：大吉利是！花逾十万尖沙咀5星酒店搞婚礼 新娘被安排「14楼」出阁 港女怒轰酒店三宗罪：咁赔偿当我哋乞丐？

有港女花逾十万元在尖沙咀一间五星级酒店办婚礼，结果换来一肚气，她在社交平台怒轰酒店三宗罪，最离谱的是出阁大喜当天，新娘竟被逼要在「14楼」的房间出阁，非常大吉利是。

女事主说，当日办理入住手续时，酒店解释原定套房未能即时给她们，要她们改住14楼房间，竟是因为需时铺「红床单」，但事主入住14楼套房后，却发现里面床铺仍是「白床单」。港女又透露酒店最后提供的赔偿方案，直斥是「街市讲价」「当我哋乞丐」。