搭小巴遇超级有礼司机 4句对答抚平生活压力 港男：成个人精神爽利晒｜Juicy叮
发布时间：12:38 2025-04-18 HKT
有时做好人就是这么简单，自己开心，他人又快乐。一名压力山大的港男早前乘搭小巴时，遇上一位超级有礼司机。就是因为在车上听到的4句对答，情绪价值拉满，巨大的压力得以在短短10分钟内抚平，「成个人精神爽利晒」，「功效」神奇。详情见下图及下文：
搭小巴遇超级有礼司机逐张睇↓↓↓↓
4句对答抚平港男生活压力
楼主早前在社交平台Threads发长文，自爆「呢排压力真系好大，㖊晚瞓觉连续两次飙冷汗扎醒咗，今日带住沉重嘅心情出去整嘢」。接著，神奇的事情发生，楼主称「上咗架小巴，短短10分钟嘅路程，突然之间成个人精神爽利晒」。
楼主续称，因为「个小巴司机超级好礼貌，每个乘客上车时佢都会讲『多谢晒慢慢坐好』；乘客同佢讲边度停𠮶阵时，佢就会讲『知道，等等呀』；跟住乘客落车时，佢亦都会讲『小心啊，慢慢』。最后每个乘客落车𠮶刻 都会自动自觉讲番，『唔该晒，拜拜』」。
楼主形容「成个（乘车）过程好舒服，我啲压力好似消失咗咁。虽然问题仲喺度，但系慢慢解决啦。表扬下呢个司机，真系唔系个个都系『Ｘ人嚟嘅』」。
相关阅读：观塘乘客豪掷古董钱币搭车 收藏家：值2万元一枚 小巴公司竟因一原因拒收
搭小巴遇超级有礼司机逐张睇↓↓↓↓
网民：呢个小巴司机真心好好
遇上振奋人心的好事网民都热烈回应，指「真系要赞，好少司机会咁做」、「依家有啲小巴司机好好态度」、「遇上好司机真系想比个『赞』佢」、「遇到nice（好）嘅人真系会有好心情」、「呢个小巴司机真心好好，有礼貌真系差好远」。
楼主在回应栏补充：
•楼主：我谂我搭小巴大概10次里面，有4个好好、3个冇乜特别、2至3个特别衰啰。不过呢个真系特别好。其实我全程最期待就系落车同佢讲，「唔该晒」。
•楼主：试想吓如果一出门口搭架小巴个小巴司机好衰态度，成程车好唔舒服，你𠮶日想好运气都难呀。
•楼主：其实大埔去旺角𠮶架小巴个司机都好好人㗎！因为好多都系中文大学放学嘅学生预约咗，所以佢哋好似好熟咁样。我都有两个小巴司机嘅电话，得闲问吓佢哋几点到。
•楼主：试过上过架小巴，个小巴司机衰到Ｘ街，我同佢讲九龙城边度停，佢唔理我，冇反应、冇手势，乜都冇。咁我过多10秒、8秒再同佢讲一次，跟住佢好大声同返我讲「听Ｘ到啦，唔Ｘ使再讲多次 」，跟住我就上咗身，同佢Ｘ咗足足差唔多5分钟。
相关阅读：大埔小巴成车曱甴 司机一句话解释震惊全网 网民：唔系挂？！
网民曾遇上有礼司机
回应的网民也曾遇上有礼司机，也趁机表扬一番：
•我都遇到咁好礼貌嘅司机，成程车好舒服，一个好特别嘅氛围，好似成车都系自己人一样，有来有往，好refresh（重新整理），感觉美好。
•入（元朗）大棠小巴都有一位超有礼貌又慈祥嘅小巴司机叔叔，搭到佢架车，𠮶日真系会好运啲架～我信有啲人有好强嘅能量。
•每日8点后𠮶段繁忙时间，我会搭往观塘方向嘅小巴。好多乘客上车时都会同小巴司机互相讲「早晨」。落车时会讲「唔该」、「唔使客气」。
资料来源：the_night_spyder＠Threads
相关阅读：两女强登车自制「小巴企位」 企硬拒走司机照开车↓↓↓↓
有网民直击新春期间，搭乘小巴时，有一家人冲上车，明知不够座位，仍有两名女子企硬拒下车，自制两个「小巴企位」，司机在劝阻无效后，竟照开车。女事主在社交平台Threads发帖，讲述她形容为「好癫」的事件，当时情况如下：
