港妈携两幼女冒险乐园疑偷公仔 断正嚣张反喊报警：你唔攞都系去堆填区 职员最后咁处理｜Juicy叮
发布时间：14:45 2025-03-31 HKT
冒险乐园铜锣湾分店「时代广场Planet J」昨日（30日）结业前最后营业日，有港妈携两幼女在该分店，被网民发现狂扯机内的公仔。当怀疑偷公仔被喝止后，该港妈竟嚣张反喊报警：「都就嚟执啰，你唔攞都系去堆填区㗎㖞。」
有网民在社交平台Threads发布影片，公开当时情况，及事件最后处理方法如下：
港妈携两幼女冒险乐园疑偷公仔 断正嚣张喊报警：你唔攞都系去堆填区 职员最后咁处理...↓↓↓↓
楼主表示，昨日（30日）去冒险乐园夹公仔，见到隔邻一名女子「踎喺度整咗好耐」，「发现佢原来喺度扯紧个公仔出嚟，我估唔到今时今日仲可以咁明目张胆......大佬呀，你带住个小朋友，明唔明咩叫身教」，影片看到该女子携同两名年幼女儿。
影片看到楼主和朋友喝停该女子：「你唔可咁嘅㖞......你攞紧咩呀？姐姐！」该女子竟回复：「公仔啰！」楼主和朋友即向她解释：「你都无夹中，要夹中先叫人嚟攞㗎㖞。」该女子反驳：「佢话免费㗎㖞，网上讲有十次机会㗎嘛。」该女子所指「十次机会」，是指该铜锣湾分店因结业推出向会员送50个代币，免费玩夹公仔的活动。
楼主批强词夺理：明唔明咩叫身教
但楼主表示事发在中午有关派代币活动已一早已派完，楼主和朋友当时即向女子指正：「但系唔系咁样自己掹！唔系咁样自己攞㗎㖞。」女子仍反驳：「都就嚟执啰，你唔攞都送去堆填区㗎㖞。」楼主严词指斥：「咁唔等于你可以咁样攞，你呢个行为系偷㖞，你依家系偷紧嘢！」
女子这时才站起身，并放下已扯出来的公仔，职员亦已赶到，楼主向职员讲述情况，并指斥该女子：「你系黄咗至放番（公仔）系到。」女子未有认错，更向职员建议：「一系报警啰！」这时听到楼主朋友表示：「其身不正。」似暗示女子教坏其两名年幼女儿，楼主表示：「咁系咪报警呀？我有拍片可以做证。」
同场加映：大妈携两子港铁月台小便发恶骂职员 「无嘢啊！细路仔嚟唔切㗎嘛！」↓↓↓↓
女子未有畏惧表示：「问题我无攞走呀嘛！你唔畀我攞嚟睇一睇，再攞返落去，唔得嘅咩！」楼主表示：「咁你同警察讲啰。」
楼主在帖文中表示：「我估唔到今时今日仲可以咁明目张胆...然后问佢喺度做紧乜嘅时候，佢仲可以理直气壮...佢就话攞公仔，跟住话如果唔攞嘅话，啲公仔都系去堆填区...大佬呀，你带住个小朋友，明唔明咩叫身教。」
楼主交代事件后续，最后有两名职员到来，「都系选择放宽处理，咁我都明白嘅，始终最后一日同埋其实无谓搞大件事，大家带小朋友嚟，都系为咗开心啫，到最后佢都放返只公仔落去嘅(虽然系因为黄咗)。」
网民：教坏哂D小朋友
楼主又表扬处理事件的职员：「因为后尾，佢系有同呢位姐姐讲咗一阵，然之后先放佢走嘅，类似系佢唔可以咁做，咁样系唔啱规矩之类嘅内容。」该职员为答谢楼主亦提出由楼主自选一款公仔，免费送给她，但楼主最后「都冇要到」。
帖文引发热烈回响，不少网民批评该女子怀疑偷窃公仔，却仍强词夺理，有教坏子女之嫌：「真系好肉酸！」「公仔一个，何必以身犯险？教坏咗个女第日偷嘢，今次无事，下次啲人揸正做个女就留案底了，为乜呢？」「痴线...人哋打开门做生意㗎...咁好多嘢都会去堆填区，你咪样样都偷，教坏哂D小朋友。」
同场加映：上水母子被指港铁站偷面包 怒掟包斥送货员诬蔑：「你话啱食，你攞啊！」↓↓↓↓
