$100两包疑似「六神合体」牛柳粒 烹饪达人：感觉好核突似呢样嘢｜Juicy叮
发布时间：13:15 2025-03-15 HKT
香港仔有冻肉舖以100元两包的平价，出售疑似「一搣就搣得开」的「六神合体」牛柳粒，有烹饪达人发现肉粒颜色不对，近日连发两段牛柳粒解冻后徒手撕出肉碎的短片警世。
楼主指「一嚿里面有三四种纹路」，形容「质感啫喱，里面好多洞，揿落去出粉红色水」，「手感似素三文鱼刺身」，感觉霉烂，「真好恐怖好核突！从来无摸过啲肉系咁嘅质地」，直言「简直系一堆垃圾」、「总之好核突」。
$100两包疑似「六神合体」牛柳粒逐张睇↓↓↓↓
老人家以为100元两包好平
楼主在其facebook专页「傻猪妈猪扒梦幻厨房」先后上载两段检查牛柳粒的短片，发文指：
•「俾我发现老佛爷佢喺香港仔不知名冻肉舖买咗$100蚊两包高科技合成牛柳粒，好彩俾我𥄫到啲颜色唔对路，拍完片掉Ｘ晒佢！唔系就成家一齐食元素表！#大家买冻肉时注意喇 #切开咗嘅冻肉要睇清楚先好买 #老人家见到$100蚊两包以为好平 #买餸系一分钱一分货」，并#hashtag「#假肉、#合成肉、#黑心食物、#肉里面充满窿窿、#一嚿里面有三四种纹路」。
•「呢条片喺视觉上会更加感受到呢堆嘢嘅质地...... #100蚊两包 #一蚊都唔值 #究竟收咗钱俾啲乜嘢香港市民食？ #牛柳粒㖞 #呕心肉粒」。
相关阅读：波子提买回家即变「腐尸」 港女疑生果档偷龙转凤 店家对质时大爆金句
$100两包疑似「六神合体」牛柳粒逐张睇↓↓↓↓
楼主：一搣就搣得开全冇弹性
楼主在片中一边检查一边大骂：「你睇下，一搣就搣得开㗎喇，好似啫喱咁嘅，完全冇弹性；呢个就好似一个盖咁样，呢块咁样黐住嘅......，你睇下，一搣就搣得开，唔知咩肉嚟，系霉晒烂晒𠮶啲肉嚟嘅......哗！真系好恐怖」。楼主在另一短片中还称，「有筋系好正常，但系呢，唔系咁样嘅......都要话俾人哋知道，你睇下，几核突，哗，几恐怖」。
楼主并在回应栏上载相片补充：「仲有包未开， 无招牌嘅无来源地，俾我掉Ｘ埋！」，并指牛柳粒「包装无任何牌子」。不少网民都关心涉事商店，查问「香港仔边间？近边个位？」，不过楼主无奈地称「我都想知，84岁老佛爷话唔记得个名」。
相关阅读：大埔烧腊店疑靠「砧板挡」出蛊惑 $263烧味过年开盒中大伏
网民交流接触「六神合体」肉经验
在回应栏，楼主表示「我煮咗46年饭，从来无摸过所谓嘅肉系咁嘅质地，应该都好清楚」，并热心地与网民交流心得，分享接触「六神合体」肉的经验，详见下图↓↓↓↓
当中，有网民提到「下栏肉，用胶水黐埋一大饼再切粒，几十蚊包嘅基本都系咁......沟就唔会沟猪㗎啦⋯⋯利申：呢行人」、「这些六神合体你去打边炉食羊肉片时点解一落锅就散的原因，散仲好，佢夹硬雪硬，唔散你仲惊佢落咗胶水（可能是食用，可能......）」。
相关阅读：网民实测深圳莲塘「盒装烧肉」烚起狂发胀 港业界怀疑是「ＸＸＸ肉」↓↓↓↓
深圳莲塘「盒装烧肉」，低至十多元一盒，吸引不少港人选购，有网民实测购自深圳莲塘一间店舖的「盒装烧肉」，发现在烚水3分钟后，烧肉竟「胀得好紧要」，引起网民关注热议。
