恶男搭巴士剪指甲 嚣张反驳指责 妻护夫心切：放上网好呀我都想Ｘ｜Juicy叮
发布时间：12:39 2025-02-22 HKT
有正义港女早前乘搭巴士时，挺身指责在上层剪手指甲的中年汉无公德心，结果遭对方无赖反驳「关你咩事，我系钟意喺巴士度剪指甲，点呀！......你吹得我胀呀！」；其妻子更加护夫心切加入骂战，毋惧公审地扬言「放上网好呀我都想红呀」。
恶男搭巴士剪指甲嚣张反驳指责逐张睇 ＋ 网民呕心↓↓↓↓
楼主在facebook群组「真.屯门友」上载相片发长文公审两夫妇↓↓↓↓
回应的网民自设底线，指「巴士上剪指甲，如果一两下系可以接受，剪晒10指真系顶唔顺」、「剪倒刺就接受嘅」，楼主于是再爆料，指「佢拍咗10下我先出声」，另有乘客附和「应该惯衰。我系58X常客，唔止听过3次车剪手甲」。
相关阅读：巴士上剪指甲车长开咪闹 19字「金句」惹热议 网民：车长经历过？
网民奇怪：点解要出街剪
其他网民齐声指责在巴士上剪指甲的行为，表示「支持Share（分享）开去，真系好讨厌」，楼主也和应「呢啲正Ｘ街嚟，我就见一个闹一个」↓↓↓↓
网民：
「真系唔明点解要喺巴士度剪指甲」、
「真心唔明！点解指甲要出街先嚟剪」、
「都好多人钟意喺轻铁剪指甲，周围飞」、
「我都好憎人喺巴士剪指甲，巴士上剪得靓啲吗？」、
「其实点解唔可以系屋企剪，系要出街剪，佢哋个思维系咩呢？」、
「真系好唔明喺屋企唔剪得？硬系要喺巴上上剪到挞挞声神憎鬼厌」、
「唔明点解啲人咁钟意喺公共地方剪指甲，重要觉得自己无问题先系重点，香港真多脑残人！」、
「最憎啲人巴士上面剪指甲，呢啲上咗年纪嘅阿叔阿伯最钟意系咁，咁无公德心，呢世无运行，衰气缠身」。
对于巴士为何成为剪指甲热点，有网民细心分析指「唔想整污糟自己屋企」、「百无聊赖，剪完又唔使自己扫，几好」、「佢哋系干净自己，污糟人哋嘅自私精」、「唔想喺屋企弹到指甲周围飞，咪会喺公共地方剪指甲啰，呢啲咪自私啰」。
相关阅读：修甲迎新岁灵蛇竟变蝌蚪 港女美甲店整足3个钟 盛惠呢个数
恶男搭巴士剪指甲嚣张反驳指责逐张睇 ＋ 网民呕心↓↓↓↓
网民分析巴士为剪指甲热点原因
接著，网民继续力数剪指甲以外的「巴士上的讨厌行为」——「同弹鼻屎冇分别！」、「最憎啲人喺车上边食嘢，超大声睇电话，剪指甲，梳头，除鞋，挖鼻屎」、「仲有，开大大声睇片、小红书……」、「仲有喺度拨嚟拨去啲长头发」。
虽然不少网民在指责时都提到长者，但有网民公道指表示，做出无公德心得为「唔关年纪事嘅，系个人冇品啫」。
相关阅读：留长指甲疑刮伤BB眼肚 港妈力数「极品」外佣9宗罪 网民：心痛死
恶男搭巴士剪指甲嚣张反驳指责逐张睇 ＋ 网民呕心↓↓↓↓
有网民则上载九巴的「乘客须知」让大家清楚知道，当中第19点列明「应为其他乘客设想，不应在车内作出令其他乘客感到烦扰的行为（例如高声谈话、剪指甲、大声播放流动设备音响、用脚顶著前面椅背或将脚踏在座椅上等）」。
网民细说核突经历：
另有网民细说自己曾遇上的无公德心剪指甲及其他核突经历：
•之前搭巴士试过有个坐我斜对面嘅阿姐喺度剪指甲，差啲弹到我咁，我咪缩脚啰，点知佢仲要寸寸贡咁讲：「唔驶咁惊㖞，又无弹到你」。我嬲嬲哋，咪一脚踢埋去佢隔篱个位度（无人坐嘅），吓到佢成个人缩埋一旧问我做乜，我咪答返佢：「唔驶咁惊㖞，又无踢到你」。
•见过最核突，唔记得60Ｍ／Ｘ（巴士线），关爱座阿伯用工具挖完耳屎，hi落櫈呢个位，6、7次左右，出声话佢，「关你咩事呀，落车你就落车啦，咁多事」，咁寸咪大声Ｘ佢到全车都听到。
•有一次见到个大妈又系喺度剪指甲我无出声，心谂你弹Ｘ到我我实Ｘ爆你，我一路睥住佢，六合彩又唔见我中，Ｘ佢个Ｘ睇住佢块甲真系飞咗落我大髀到，即刻开佢拖Ｘ爆佢！
•上次我食大家乐隔篱都有个死老鬼剪指甲，跟住我开把遮，晾住张凳遮住佢我继续食，个死佬鬼睥到我行一行。
恶男搭巴士剪指甲嚣张反驳指责逐张睇 ＋ 网民呕心↓↓↓↓
相关阅读：观塘人气饺子店「员工」出餐位剪指甲 店家否认是职员：佢系嚟玩㗎咋！上榜衞生署「星级有营食肆」↓↓↓↓
观塘一间上榜衞生署「星级有营食肆」的人气饺子店，被拍到有「女员工」在出餐位剪指甲，惹起网民关注非议，不过，店家回应《星岛头条》查询，否认该「员工」是职员：「佢系嚟玩㗎咋！」
