2内地女搭金巴大战3孩港夫妻嫌小童太嘈爆冲突双方互出Po公审各指遭歧视｜Juicy叮

更新时间：14:44 2025-02-13 HKT
发布时间：14:44 2025-02-13 HKT

两名内地女子搭港珠澳大桥穿梭巴士（俗称金巴），疑因小童太嘈，与该小童的港爸妈发生激烈口角，双方由车上嘈至落车，各自拍片放上网公审对方，并互相指责遭歧视。

两人公审对方的影片在小红书及Facebook热传，涉事港爸妈携有3名幼童，事发经过如下：

2内地女搭金巴大战3孩港夫妻嫌小童太嘈爆冲突双方互指遭歧视：↓↓↓↓

由2名内地女子拍到的约5分钟的冲突影片，开头听到一名内地女子，以普通话向港爸妈表示：「这是中国！」港爸以普通话回应说：「中国，又怎么样？」该内地女子即表示：「就是要讲普通话！」内地女要求这对港人夫妻说普通话，但他们未有理会，继续以广东话反驳指责。

这时其中一名内地女子，以广东话指责这对夫妻「识唔识叫佢哋唔好嘈」，港爸即反驳：「你哋控唔控制到呢两个？一岁咋！」内地女即表示：「咁你可以同佢玩㗎嘛。」港爸反建议两名内地女子如果有钱，可以不搭巴士改搭两地牌网约车，内地女反驳：「点解要我哋搭，你系咪歧视我哋大陆人？」

该港爸又扬言：「搭车系咪一定唔可以嘈？」内地女表示：「呢个系公共场合。」她又指责该港爸在巴士上以带有歧视的说话，公开指责她们「你唔好讲广东话，讲普通话啦」、「你哋返大陆啦」，「呢啲唔系歧视系咩啊？」

该港爸反驳说：「我无歧视过你！」他反激动地指责该两名内地女子：「你又咪系歧视我带小朋友出街咩！我带小朋友出街，你又系咪歧视我啊！」他说：「我带小朋友出街，点解要我哋唔好嘈呢？即系你先歧视我？我带小朋友出街就有问题？」

同场加映：内地女新婚晒港阿伯送赠贵重金饰因「撩狗」谱跨境忘年友谊惹哭网民：↓↓↓↓

其中一名内地女子即反驳：「我无歧视，你唔好带我入套啦！」她强调，当然可以带小朋友出街，但要保持安静。但港爸反驳说：「车上有无写著保持安静四个字啊？无啊！」他更表示：「我同佢哋三个一齐去过泰国，一样无问题！」

该港爸的妻子这时批评，两名内地女子「话我哋无家教先」，其中一名内地女子这时以普通话说，没有说她们没有家教：「是说保持安静，这是公共场所基本的素质。」

这时港妈激动地说：「唔该你哋睇吓可唔可以控制到一岁嘅小朋友，你哋睇吓可唔可以控制到！」她再激动地怒斥：「我已经揞住佢哋把口啦，你仲想我哋点啊！你讲啊！你话我哋无家教先㗎！」

港爸又指著其中一名内地女子，指「如果佢唔系佢闹我三次，我唔会出声」，「你点样控制呢两个小朋友，你控制畀我睇吓！」这时被指责的内地女子，表示会向金巴投诉，要求看当时车厢内的监控视频，港爸即反建议她们即时报警。

「唔通你叫一个小朋友唔好出声，就唔好出声咩」

另一段由港爸妈拍摄两名内地女子的影片，约有近1分钟，片中开头听到港爸反驳：「系边个歧视边个先呢？即系我带细路你出街就有问题？小朋友就唔可以出街？佢哋就唔可以讲嘢嘅？」其中一名内地女子即反驳：「无问题，你唔好带我入套啦！」

另一段则听到港妈反驳的声音：「你见到我哋无控制咩？有无人见到我哋无控制啊？唔通你叫一个小朋友唔好出声，就唔好出声咩，唔好喊，就唔好喊嘅咩？」「你有无见1岁小朋友啊？你无生过小朋友就唔好咁话人哋啦！」被指责的内地女子没有回应，只是拿著手机反拍。

有疑似该对港夫妻在网上留言解释，「系果句无家教解发我哋去闹翻佢哋」，「最后系佢哋将我哋全家人嘅样放上网，我哋都同样将佢哋放上网。」该对夫妇强调，当时在车上，「2个小朋友只系系几分钟内大叫，我已经尝试揞住佢哋个嘴......又氹佢哋，抱住佢哋......我哋知成程车叫会好影响人，已经准备咗零食、玩具，但有时佢哋有时突然叫喊，要叫，真系唔系咁容易控制！亦唔可能系1分钟内可以收到声。」