换新钞出错银行电客户「回收」 唱一万蚊包利是职员数错「咁多」 事主：佢做错事要我负责？｜Juicy叮
发布时间：13:46 2025-01-28 HKT
有网民昨日（27日）到银行换了一万元新钞包利是，回家后，傍晚竟收到银行来电，指职员换新钞出错「畀多咗」，要求事主「数返」确认，并会扣回多付新钞的金额。
事主非常无奈：「我系咪冇义务帮返呢个银行职员？佢做错事要我负责，浪费我嘅时间。」事件详情如下：
换新钞出错银行电客户「回收」 唱一万蚊包利是职员数错「咁多」 事主：佢做错事要我负责？↓↓↓↓
事主昨日（27日）在社交平台Threads发帖，表示昨日中午去银行柜位换新钞，「想要$20、$50、$100同$500」，换钞前没有想过各面值实际要多少。当时，事主「行去柜位时，系好随意讲每个面值要几多」，他说：「我仲用柜位记事纸，写低每个面值，总共要几多钱（唔系几多张），咁啱总数系一万蚊。」
银行职员即时在事主面前，用数钞机点算，事主收到总值1万元的新钞，相信银行，也没有再数过确认，「银行职员用机，帮我每个面值都数咗一次，我见到佢话部机就出几多张，自己就冇去计，究竟总共系唔系一万蚊。」但是，事主表示，当日晚上约六时，收到该银行来电，指换新钞职员数多了新钞给他，「银行话个职员唱多咗$1000俾我，应该系二十蚊纸𠮶度多咗。」
银行希望事主「即时数返啲钱再同佢哋确认返，会喺我个银行户口扣返$1000」。事主回复表示，该叠新钞当时「唔系身数唔到」，银行即请他「听朝再确认」。
同场加映：港男银行做定存 经理一提议险令事主蚀凸 「把人当猪宰啊？」↓↓↓↓
有网民奇怪何以银行事后会知「畀多咗」，事主留言指可能是银行翻查CCTV，最后查出。
事主对于银行出错，却要他「自己要用人手数一次」感无奈，他反问：「其实我系咪冇义务帮返呢个银行职员？佢做错事要我负责，浪费我嘅时间。唔明点解可以咁都数错。」
事主的帖文引发热烈回响，有网民亦分享公司遇换新钞时，「返到公司数钱，发现（银行）畀少左1万蚊的$20纸」，「银行hea应，过左差不多一星期，银行先承认自己出错。」该网民说：「果阵大家都认为银行唔会错，事实系，佢地都发紧梦！......大家拎钱真系要对清楚。」
前银行职员吁体谅：忙中有错，特别新年间
不少网民留言呼吁楼主，帮帮该出错银行职员，数一次该叠新钞，「我觉得帮下人，唔使人哋过年过得唔开心，好心有好报。」「我代佢同你讲声对唔住啦......但系一谂起佢哋，要睇CCTV逐个逐个客揾出嚟，我相信佢都得到教训......」
有曾任银行柜位职员的网民亦留言，希望体谅前线人员在新年间工作异常繁忙：「......忙中有错，特别新年间，真系唔系大家谂咁容易......人谁无错，帮得到就帮。」
事主：要我数一次都唔系义务？
事主留言强调，银行出错，要他将大叠1万元新钞，再数一次「唔难，但唔系应份」。事主指出：「要我数一次都唔系义务？前后讲紧6个钟，原则上d钱，可以分散晒，唔会好似我张相咁样，系咁嘅话，请问我又点样确认银行畀多咗我？」
不少网民再苦劝：「唔系你既就畀番人啦，唔系义务问题㖞，系诚信问题。」「体谅下，唱新钱既呢段时间系全行最忙，又多客又要快。」
最后，事主留言表示，有应银行要求核算新钞数量，「刚刚数完，听日（即今日）同返银行讲。」「会覆，费事佢blacklist我。」有网民问事主点算后，结果有无「畀多咗」？事主答：「系多咗，银行其实都已经好肯定系畀多咗我，只系等我覆检确认。」
同场加映：赤膊男闯深水埗银行打「金毛」 狂嗌：「我畀人打劫！」真相曝光超傻眼↓↓↓↓
