移英港人疯狂「囤米」塞鞋柜边惹非议 当地港人斥「肉酸」：「嚟到呢边做咗蝗虫！」｜Juicy叮
发布时间：15:49 2025-01-09 HKT
部分移英港人在社交平台晒疯狂「囤米」的战绩，甚至因为囤积大量食米，无位放要塞入鞋柜边，有当地港人直斥「肉酸」，可能引致短缺：「可唔可以做埋呢啲蝗虫嘢唔好？......你香港人闹人哋几廿年嘅嘢，嚟到呢度自己做返。」
英国通胀升温，有当地港人近日在「英国香港人生活交流区」FB专页发帖，公审一些移英港人，在高物价下「囤米」的举动，详情如下：
移英港人疯狂「囤米」塞鞋柜边惹非议 当地港人斥「肉酸」：「嚟到呢边做咗蝗虫！」：↓↓↓↓
公审帖文晒出有两名当地港人，自拍在家囤积约十多包米，其中有移英港人自称「英国穷Ｘ」，表示：「税贵物价升，真正积谷防饥。」由于「无位放咁多米」，该港人将十多包米「唯有放鞋柜隔离」，他更分享这样存放，不会影响品质：「实有朋友话会蛙米，但实验试过放近一年都无米虫。」
楼主在帖文中批评，部分移英港人明目张胆「囤积居奇」：「......可唔可以做埋呢啲蝗虫野唔好？咁光明正大话畀人听，仲要话咩摆一年，食几多买几多好难呢？」他又批评该囤米港人，「一家四口加埋都冇一百岁，买10包米，全家一齐玩增肌咩。」
楼主强调自己「戒碳水」，因此不是抢不到米而发脾气，「我最嬲嘅点系，你香港人闹人哋几廿年嘅嘢，嚟到呢度自己做返，仲要唔畀人讲，静静鸡唔得咩？」「你哋买晒咪买晒啰，仲要上网喺度晒命。」
同场加映：17移英港人罢工被即炒 爆英国职场疑歧视港人行为：↓↓↓↓
「多香港人嘅城市（米）一定空」
他又批评有关行为「肉酸」，「真系会因为你哋咁样囤积居奇，而导致到其他香港人买唔到呀嘛。」「你估系香港嘅时候货源充足啊？要几多有几多啊？我哋全部喺呢度都系小众嚟㗎，你哋一啲合理嘅行为，影响到其他香港人嘅群体啊，我哋系小众入边嘅小众。」
帖文引发网民热烈回响，反应两极，有当地港人留言反驳：「视唔同地区同情况，有啲可能好快抢哂就话......但好似我呢间嘅，巿中心放咗喺度三日，都仲堆积如山......咁如果佢喺度买廿包，系咪又属于自私呢？」楼主即回应：「多香港人嘅城市（米）一定空。」
有人又认为食米无短缺，「佢买10包米储量有乜问题？」「其实我在香港也习惯一次买十包八包，唔觉有问题。」楼主回应指：「佢冇犯法，只系觉得咁样好肉酸，因为我哋从来都唔钟意人哋抢我哋嘅资源，而家买米买到其他人买唔到......」「因为你喺香港买10包8包，唔会搞到其他人买唔到。」
有网民则指：「平咗扫货好正常......圣诞节8p、2kg薯仔，大把鬼佬都买几十包成车，你唔post鬼佬谷话佢哋。」楼主回应：「香港人香港事去鬼佬group讲做咩？......何况啲鬼佬都唔做呢啲嘢，去𠮶度讲嚟做咩？」
移英港人曾掀抢猫山王潮 群组报料跨区抢米
不少网民认同楼主，指近年出现移英港人抢榴梿潮：「完全同意，过去两年，Costco嘅抢朱古力、抢猫山王潮真系吓死人。」
有网民亦表示：「完全有同感，仲好似好威咁出post先爆......系我果区，佢地一吹鸡，我下午去买就一包都冇......」该网民更指，当地有港人师奶群组会「跨区揸车扫晒附近d米，叫求米group」。
有网民则指出：「......有d港人可能因在英，较香港收入大减下，作出这行为......我见过有人等扫晒8盒特价鸡蛋及牛奶（放冰箱）......依d重癫。」
「呢啲唔好讲自己系香港人，影衰晒。」「系真系几肉酸。」「好多嘢都系冇犯法，但唔代表合适。」「真系好羞家！」
英国通胀一度持续高企，虽然最近压力有所缓和，但最新数据显示，英国11月（2024年）消费物价指数(CPI)按年升幅由10月的2.3%扩至2.6%，录得8个月以来最大升幅，当地通胀已进一步高于英伦银行2%的目标。
同场加映：港人英国开地产舖疑专呃移英港人 苦主收楼有异追查揭惊人真相：「佢哋食紧人血馒头！」↓↓↓↓
