专栏 Will知足球｜祖奥菲历斯最后机会？

更新时间：07:00 2025-02-09 HKT
发布时间：07:00 2025-02-09 HKT

车路士喺冬天转会窗借走咗葡萄牙「新星」祖奥菲历斯去到AC米兰，对球迷嚟讲，球会竟然将佢借走，的确有少少惊讶。

马列斯卡喺上年买菲历斯番嚟嘅时候，连佢自己都十分期待，表示菲历斯系绝对啱佢用嘅人，但似乎都系话术嚟，因为菲历斯就好似车路士掷骰仔般收购嘅其中一人，几肯定决定买唔买佢时可能真系掷错咗3条6啊。因为菲历斯由宾菲加出道时已经被外界话系天才，高价转会到马体会嘅失意，重返车路士嘅迷失，25岁嘅佢最后嘅机会可以兑现天赋，似乎只有AC米兰。

系AC米兰着番79号，佢亦都作出一个闪亮登场，后备出场即刻入波。意甲系一个更加多战术运用嘅联赛，而且A米有一位葡萄牙领队，亦都有拉菲尔利亚奥喺度，适应上难度唔大。照计菲历斯踢10号位，刚好有另一位冬窗加盟嘅中锋辛迪亚高基文尼斯，两个可以互相配合，希望菲历斯今次真系可以再展翅高飞。

又去咗一个新地方嘅菲历斯，究竟一个天才最终会闪闪发亮定摇头叹息，睇埋最后一次！Willhappy

↓立即下载星岛头条App↓