公司聚餐去饮茶00后打工仔直呼尴尬！同事不用公筷？十几人分食1份点心：个个都唔好意思夹

更新时间：15:30 2025-09-17 HKT
发布时间：15:30 2025-09-17 HKT

不少公司聚餐都会选择去酒楼饮茶，气氛热闹，而且人多可以多叫几款点心小菜，然而，并非所有人都能乐在其中。最近一位00后打工仔最近就发文吐苦水，大呻一班同事午膳去酒楼饮茶，不但「十几人逼埋一张圆台」，而且碍于情面，无人敢多点菜式，上菜时更是「个个都唔好意思夹」，情景令楼主直呼尴尬！

00后打工仔呻公司聚餐去饮茶直呼尴尬：个个都唔好意思夹

最近有自称00后的网民发文，表示「希望你哋（公司高层）搞team lunch（公司聚餐）唔好次次都安排饮茶。」，他指出每次饮茶都是总是十几人挤在一张圆台，十分拥挤，「左手撞人右边手踭，右手撞人左边手踭。」点菜时，因同事间有所顾忌，无人敢多点菜式「个个都话冇所谓」，结果有人提议「每样都画1份share食」，导致点心数量严重不足，叫一碟春卷却要十几人分食，而且大家更因怕得罪上司及同事而不敢「轻举妄动」：「叫一笼虾饺得四只，你眼望我眼个个都唔好意思夹…」

更令事主哭笑不得的是，竟有同事在用餐时「将公筷同私家筷调转咗嚟用！」事主无奈指希望下次能转食其他餐厅：「其实食啲一人一set（套餐）嘅都可以有gathering（聚餐）嘅效果，又可以自己拣自己想食嘅嘢，唔系仲皆大欢喜咩？」

网友共鸣：叫点心正常应该计人头一人一件

帖文引起网友共鸣，不少人都有类似经历：「最憎系食到最尾净低几件，总会有C（师）奶同事格硬夹落我个碗度话『你瘦呀你食呀』！」、「公筷私家筷调转嚟用都未算最核突，我前同事系会吮完佢自己对筷子再将啲餸摷嚟摷」、「惨得过我之前间公司lunch meeting都系饮茶，lunch time茶楼嘈到乜咁，十几人一围真系好难听到对方讲咩，讲嘢一定要大大声兼重复两三次，冇啖好食仲攰X到XX」、「我真系宁愿自己叫个M记食仲开心同饱肚」、「真系你望我，我望你」、「就咁睇你篇文已经feel到个气氛超尴尬。」

不过亦有人指出叫点心应计人头一人一件：「虾饺烧卖呢啲经典嘢，一般都系按人头叫」、「你啲同事咁kam点心唔数人头叫」、「嗌得唔够，样样都嗌五六笼大家都开心」、「其实唔难落，虾饺烧卖人头数，肠粉一份虾一份叉烧，啲炸点每样叫少少，仲有啲鸡扎、牛肉球，不过可能你哋同事唔熟又无人话事就搞到咁」

有人指出是公司气氛问题：「饮茶呢味嘢真系成班好熟同事先做，一来大家唔再客气，二来略知大家口味识点嗌」、「唔关饮茶事，系关你饮茶个酒楼坐得舒唔舒服，同事之间有几close」楼主则回复：「我都觉得如果一班同事关系好嘅，大家饮茶好开心可以围威喂。叫多啲点心大家share乜都有得食，不过宜家份工啲人系本身就冇乜bonding（联系）跟住高层又要做吓样请食饭，就变成今日咁款……」

来源：Threads