港女预约太子居酒屋因病欲改期反被店员「语气轻佻」回复1句惹怒：驶唔驶畀埋医生纸你睇？

更新时间：15:19 2025-05-15 HKT
发布时间：15:19 2025-05-15 HKT

香港餐饮业时常因服务质素出现争议。最近有网民原定到访太子一间居酒屋，却因突然生病而希望更改预约日期，计划休息一天后于翌日前往，于是委托男友致电餐厅，惟店员一句带轻佻语气的回复，令事主感到不受尊重，无奈大呻：「病我都控制唔到，驶唔驶畀埋张医生纸你哋睇？」

港女预约太子居酒屋因病欲改期反被店员「语气轻佻」回复1句

有网民发文控诉遭一间太子居酒屋不礼貌对待，怒轰：「病我都控制唔到，驶唔驶畀埋张医生纸你哋睇？」（来源：Threads）

最近有网民于Threads发文，控诉遭一间太子居酒屋不礼貌对待。事源事主原来预约当日到访，却突然生病请病假，打算休息一天后于翌日前往，于是委托男友致电餐厅，向店员表明因病希望更改预约日期。

不料，店员却回应：「哦～今日病左呀？咁听日就会好返啦？haha」事主形容对方「语气劲轻佻」，令自己感到不受尊重，无奈表示：「我唔知得罪贵餐厅啲咩，我系真心想试下，同埋唔想扫兴所以先话听日，又唔系临时no show（爽约）」更怒轰店方态度差：「病我都控制唔到，驶唔驶畀埋张医生纸你哋睇？」

网民有同感：咁嘅态度执笠都系好事

事主的遭遇引起网民热议，直指店方态度差：「而家连book位食饭都要请病假俾医生纸了，食个饭都要俾人串」、「香港服务态度真系世一，世界倒数第一。」、「佢咁讲好似怀疑你诈病咁，老板咩？系甩底要cancel就唔驶讲听日再嚟啦！呢间好似唔系第一次被人话态度差。」、「你打电话去取消已经好有交带，病系人都唔想」、「我都唔系咁钟意香港餐厅啲态度，执笠都系好事」、「香港老板: 点解无人留港消费，also香港老板: 当客人系狗。」、「点解唔讲句祝早日康复大家开心」、「No show又要被人话西客，交代又要被人串」

亦有不少人表示有同感，指自己光顾该餐厅时有类似遭遇，服务质素一向为人诟病：「又贵又难食又受气，以后绝不帮衬」、「呢间餐厅可能系我一年内食过唯一一间觉得overrated（过誉）+CP（性价比）低+服务态度差嘅餐厅。」

有网民建议事主下次无需透露原因：「其实改时间唔需要讲真实原因，只要讲嚟唔到要改听日就可以，乜驶解释咁多」、「唔使同人讲太多私人原因，点解取消，对方唔一定比情绪价值你」

不过亦有人撑店方，指是事主「想太多」：「睇字唔觉有咩问题，就算你话佢轻佻，但我觉得系佢讲笑啫。」、「佢意思系要唔要谂多阵，可能女朋友要多啲时间休息，听日太赶，但唔识讲嘢。」、「会唔会系你你都几好笑，你自己都改听日，咁你听日就一定好返㗎啦，人哋有理解错？太敏感」

来源：Threads