骆应钧罕谈无子原因 拒认出身书香世家：我好令爸爸失望 曾为大状胞弟骆应淦戒酒

骆应钧入行逾半世纪，曾演出《射雕英雄传》、《神雕侠侣》及《壹号皇庭》等多部经典剧集，近年主力在内地工作，不时有网民分享其近照；虽然身形显得清瘦，但精神依然相当不错。回顾他在2019年初进行心脏检查时发现有肾石，为免年纪渐长令病情恶化，先后接受两次手术并住院40多日，休养四个月才完全康复，自此便逐渐减少幕前演出。除了健康状况备受关注，他的家庭背景亦相当深厚——父亲为前校长骆存斌、二叔是著名粤语片演员骆恭、胞姊为《信报》创办人林行止妻子骆友梅，胞弟则是资深大律师骆应淦；不过骆应钧从不自认出身书香世家，甚至曾透露因父亲的严厉管教而选择不生育，作风一直相当踏实低调。

骆应钧因父亲严厉决定不生育

骆应钧与圈外太太结婚逾30年，至今一直没有生小朋友。骆应钧曾表示自己性格谨慎、顾虑较多，担心自己不懂得如何做一个好父亲；虽然太太很喜欢小朋友，但为了迁就他而打消念头，两人非常享受现在无儿无女、自由自在的二人世界。近日小红书流传一段骆应钧接受访问的影片，透露他不考虑要下一代的原因与父亲有关：「我唔系曳，总之系唔听讲，你话东我就去西，到我考训练班，佢嚟签纸一直唉声叹气，点会估到个仔去考演员训练班？冇谂过，点解要拣呢条路？不过老一辈嘅人，四十岁老来得子，之前两个系女，都有少少锡，表面叫顺你意，但其实觉得『搞咩呀？点会去做呢啲？』」骆应钧坦言这些事长大后对他造成阴影：「到我结婚都唔想生仔，如果我有个细路生得好似我后生𠮶阵咁嘅样，咁就真系好喇，我宁愿唔要小朋友。我觉得系自己嘅问题，唯一遗憾嘅唔识得点样去同我爸爸、妈妈沟通，我觉得系我自己嘅问题。」

相关阅读：73岁前TVB绿叶王骆应钧近况堪忧？内地「揾食」被捕获 颈现青筋身形消瘦惹关注

骆应钧谦称家族并非书香世代

对于外界曾形容他出身书香世家，骆应钧更加抗拒：「边系乜嘢书香世家。爸爸40岁嘅时候我先出世，之前两个都系姐姐，到我10岁、8岁，我爸爸都50岁喇，佢一个人做嘢养全家人咁大压力，佢就极少讲自己嘅事，但我年纪细，𠮶时社会各样嘢咩都唔识，我又唔识得问佢年轻时嘅情况。据我了解，我爷爷应该系做生意嘅，我爸爸10零岁𠮶阵，我爷爷嘅生意已经唔好。我爸爸就自己喺广州去上海读书，去读大学。但应该一啲都唔松动，𠮶段日子其实要好节衣缩食𠮶种。跟住佢应该系去读法律嘅，佢曾经做过律师。但你落到嚟香港系冇用嘅，好在佢喺一间小学做校长，养起我哋全家人。我唔觉得我哋系咩书香世代。第一，祖先唔系有功名，亦都冇人系进士，你第几代咩，冇人系秀才，似乎我哋嘅历史，我爸爸亦都冇讲过，但我仲唔觉得会有。」

相关阅读：骆应钧为大律师弟弟骆应淦戒酒 自爆离巢TVB靠高人指点拒回头：避而不谈免得尴尬

骆应钧自认顽劣曾令父亲失望

骆应钧又称自己当年令爸爸失望：「我家姐、细佬读书唔错，我真系好令佢失望，我真系属于顽劣。严格嚟讲，我都唔知自己大脑得是但一边系好嘅，另一边系好差嘅。譬如话，如果以睇书嚟讲，因为我哋𠮶时冇娱乐，我其实3、4岁已经睇报纸。我爸爸会睇啲佢哋𠮶个年代，𠮶时喺香港有啲上海嘅作家，好多上海嘅作家嚟咗香港，佢哋喺报纸投稿、喺杂志投稿。我爸爸就算咁悭嘅人，佢都会买𠮶上海帮嚟港嘅作家、𠮶啲编辑，佢哋𠮶啲杂志嚟睇。我哋又冇娱乐，爸爸睇完就到我哋攞嚟睇。我妈妈睇武侠小说，佢睇完我又攞嚟睇。我9岁已经睇金庸啦。我妈妈租书返嚟睇，佢去打牌，我就攞嚟睇，一睇就爱上。」他续说：「你又要体谅下我爸爸咁大压力，一个人又唔后生，咁迟先结婚，咁迟先有细路，我阿嫲又喺内地嚟咗香港同我哋一齐住，一个人要养咁多人，其实已经好辛苦㗎啦。所以佢冇精力同我哋沟通其他嘢。佢当然好关心我哋嘅学业，但佢都唔识得对住我呢个咁顽劣嘅仔，都冇办法。」

相关阅读：骆应钧现身内地吞云吐雾超瘦削 大病缠身曾停工4个月休养

胞弟骆应淦成骆应钧戒酒动力

年轻时骆应钧曾被传酒量惊人，但原来是事业失意而借酒浇愁：「因为喺工作中揾唔到满足感，唯有去猜枚、饮酒，感觉好似⋯⋯原来我都可以赢。」后来事业渐有起色，他亦决心戒酒。他透露，戒酒除了是因为事业步入正轨，更重要是不想令家人蒙羞，特别提到了自己的亲弟、香港资深大律师骆应淦：「如果我因为饮酒出事就丢架，无谓令人蒙羞，我好感激家人，由我入行开始，从来冇畀过压力，好支持我。」骆应钧曾表示50年代粤语片演员骆恭是他的二叔：「我爸爸有6兄弟，爸爸系最大，骆恭系我二叔，佢落到嚟香港，唔系即刻入影圈，佢系教书，喺我3、4岁嘅时候先入行，即系佢入行已经40几岁，所以系做中年角色，听讲啲人钟意用佢。因为当时阿嫲同我爸爸住，阿叔都会返嚟探吓阿妈，𠮶阵我听佢讲，佢系夸张到教书份工一个月都返唔到一日，所以佢有一个御用代课老师！二叔（拍戏）真系好忙，佢拍一年戏，多过我喺影圈拍几十年，一定有佢嘅个人之处。」骆应钧还说二叔很舍得花钱置装：「可能有时因为制作费问题，剧务话佢听要做有钱佬，要穿礼服，如果你有私伙，人哋就唔使帮你张罗，所以对佢都好大帮助，拎咗好多有钱佬角色嚟做。」