直乐VIURIETY丨简淑儿回应朱智贤半裸浸温泉事件：做幕前要识保护自己
发布时间：02:01 2026-11-12 HKT
简淑儿和麦大力一起拍摄ViuTV节目《直乐VIURIETY边个瞓梳化？》，简淑儿和麦大力表示上一次两人一齐做节目还是刚认识的时候，麦大力表示仍记得是那一日，因为是梦想成真的一日，不过简淑儿笑他会记得是因为数学好，平时去超市最喜欢格价，但承认麦大力在记纪念日日子方面比自己叻。
简淑儿自认投资「灯神」
讲到麦大力近日斥约1,420万元购入西半山嘉富台一伙三房单位，简淑儿表示他在投资理财方面很叻，自己曾提议过其他地区，但他觉得这一区好，她都会听老公的说话，「我喺投资方面系灯神，有时佢叫我唔好买我偏偏买咗，最后都系会被佢讲中，所以之后喺投资理财方面都会听佢讲。（你边方面叻过老公？）做家务，打理屋企，佢比较冇耐性，我会令佢平静落嚟，同埋佢系负责揾钱。」
简淑儿直认努力造人
至于结婚一年是否仍想继续二人世界？简淑儿直言一直有在努力造人，不过老公经常要飞，加上他们又将会搬屋，待处理好所有事情后再计划。
简淑儿未被要求性感演出
讲到好友朱智贤在HOY节目中爆当年拍《3日2夜》时曾被全男班摄制队要求上身半裸浸温泉，令她委屈得匿埋房喊，亦试过拍潜水戏份时被要求「唔拉拉链」，最终黑面霸气反击，简淑儿也曾经拍过《3》，问到可曾遇过类似情况？她表示自己拍过两辑，都没有浸温泉和泳衣画面，可能没有人想看才没要求她，问到是否事前知道不用性感才会答应拍摄？她指当时不是TVB经理人，是另有经理人，相信经理人有为她筛选过，如果真的遇到类似情况，都会像朱智贤一样拒绝，「当拍得唔舒服，观众睇到都会觉得唔舒服，𠮶排都好似特别兴（性感），但做幕前要识保护自己。（婚后会否因为老公而拒绝性感？）我有问过佢，佢冇所谓，着泳衣都可以，佢会觉得性感唔系啲乜嘢，just a style，唔会用色情眼光去睇，觉得好平常，仲会好骄傲有人望佢老婆，我着泳衣时，佢影得最多相，唯一影得最开心嘅时候，我问佢『可唔可以摆上网？』佢会话『why not？』」
朱智贤最差时候已过
提到朱智贤亦在节目重提当年偷食人夫黎振烨，以及后来与谢东闵的情变内幕，简淑儿表示冇看过节目，不知是她主动提及还是被主持人问到才讲，「如果人哋问到唔讲又好似好大牌，但讲出嚟又好难讲出让所有人都满意嘅答案，但我都知佢个人硬净好乐观，相信佢冇乜嘢。（节目播出后惹网民批评，会唔会联络关心佢？）佢最差嘅时候已经过咗，做呢行惯咗啲人唔系讲好就系讲坏，特登去问仲尴尬，可能佢冇乜嘢，或者喺佢嘅角度，都系礼貌回答主持嘅问题。（会唔会介绍男仔畀佢认识？）有谂过，但相信佢都有人追，佢咁靓女。」
