关心妍「衣锦还乡」佛山南海开骚望出道25周年重返红馆

更新时间：22:45 2026-11-11 HKT
发布时间：22:45 2026-11-11 HKT

关心妍日前「衣锦还乡」，在家乡佛山南海举行《听2026 演唱会》，吸引近5000乐迷买飞支持，全场爆满，好友张栢芝亦送上花篮恭贺，而女儿杨荣心后台表现雀跃，除带领祈祷外，更模仿妈妈「化妆set头」，甚有星二代味道！演唱会开始时，关心妍一口气唱出多首金曲，更用南海话「自家人」与「乡里」打招呼！

女儿陪伴唔影响学业

重返「主场」开个唱，Jade一共准备5套服饰，除大唱金曲外，场外亦有慈善摊位为弱势社群募捐，非常有善心：「其实我都成日返嚟（佛山），真系好感谢家乡庇佑，可以每年都喺度开演唱会。真系仲密过香港开骚。其实每次嚟到都有带心心睇吓，但每次都来去匆匆，做完show第二日又要走，加上佢要返学，所以佢都未好有『家乡』嘅Concept。头先佢都系一路陪我、一路温 science同数学。其实我平时负责系中文同数学，老公就睇英文同数学，所以每晚煮饭就会睇晒功课，知道佢陪登台唔影响学业。」Jade表示当地龙舟节最热闹，希望未来有机会带女儿感受一下。

关心妍快出道25周年

关心妍表示今次巡回个唱的主题由2025年开始，一直希望将个唱带回香港做终点站：「其实上次红馆20周年开始，已经差不多五年时间，亦就快出道25周年，忽然间嚟到25周年，一直都希望最后站系返香港，我哋都睇下红馆个期批唔批，希望可以返去红馆，有机会可以喺红馆做我25周年香港站。」

杨荣心苦练半年打鼓合奏《负担不起》

这晚演唱由女儿杨荣心做「嘉宾」，不过今次拒绝表演侧手翻，改为打鼓与妈妈合奏《负担不起》，令观众非常有新鲜感：「因为我好想俾歌迷见吓心心，唔经唔觉咁大个女，我问佢红馆试过打翻筋斗、合唱、清唱，我觉得佢又长大咗，咁啱佢开始学打鼓，我叫佢练下先，练到差唔多就帮我打，佢真系苦练半年！头先台上我都唔敢望佢，忍住唔好打搅佢，佢好淡定但我就紧张到背脊出汗，依家系佢表演完我松一口气！」Jade笑指未知女儿还有甚么「秘技」，估计跳舞成下一站的表演项目，而囡囡表演后都到台边为妈妈拍手打气，更不时和唱非常投入。