《女神2》齐集直播室真情剖白 Oscar方智弘被斥「渣男」唔开心 转选何沛珈系忠于自己意愿
发布时间：20:19 2026-11-11 HKT
TVB恋爱真人骚《女神配对计划2》自播出后话题不断，由配对选择到女神品格都成为网络热话，为解开网民及观众迷思，主持林盛斌Bob、7位女神连同节目总策划、监制及一众求爱勇者，日前云集myTV SUPER直播室进行「答问大会」，就近日连串争议进行真情剖白！
方智弘了解深咗才做决定
谈到最新一集，最大争议剧情莫过于原本偏向俞可程（Kanis）的方智弘（Oscar），突然转投何沛珈（Roxanne），遭批评「渣男」！面对坊间争议，Oscar坦言有少许不开心，但仍应阿Bob要求，大方公开选择时的心路历程：「我觉得我系需要了解一个人深咗，先可以做一个决定」、「呢个（转选择）系我跟从自己内心，我知道好多人一开头对我拣Kanis好支持，我都收到好多DM叫我千祈唔好转人，但我觉得最终我都系要忠于自己意愿，咁先系真正嘅我。」
林盛斌与监制力撑方智弘
对于Oscar的选择，Bob及监制Manho均开腔力撑，阿Bob更力挺Oscar绝非渣男：「了解咗觉得唔系𠮶个vibe，想转（选择）就系渣男？咁我谂地球上好多男人都系渣男嚟㖞」、「大家唔好以为（佢哋）感情好深厚，大型水上乐园、五角枱（嘅拍摄）都系一日半日嘅事」、「绝对唔可以用渣男形容呢个男孩子，喺我嘅认知，希望大家可以理性同埋口下留情去留言」，并希望观众不要觉得有人争或有人转选择就是坏人。Manho：「有时佢哋见一日我哋剪成两集，变相观众视觉会觉得系几个星期，但其实可能佢哋只系见过两、三次。」 Bob与Manho续指新一季《女神》描述的感情关系，比第一季更复杂，不适宜作比较，并鼓励大家当全新的恋综收看，更透露后续将有更多「原来系咁」及「意想不到嘅发展」。
陈星妤再次为玩游戏致歉及反思
此外，陈星妤（Yvette）与陈若思（Amber），亦就阿Bob要求当中抱抱、以行动粉碎不和传闻。Yvette亦再次为自己玩水上游戏时过份投入致歉及反思：「我真系冇心整到Amber，但亦真系有啲位系大意咗同疏忽咗」、「我听取咗大家声音后，知道有好多嘢要反思、有时投入之余都有好多嘢要顾及」、「我把关力度同方式系错，下次要做番更好如果再有类似情况。」身为资深水上游戏主持的阿Bob，坦言拍摄游戏节目确实容易手脚当灾，并以第一目击者身份，保证现场绝对没有任何蓄意的恶意，又大赞Yvette作为隐藏女神表现很好。
李尔晨否认做过「兵之行为」
而同时就「收兵」是非作出回应的Yvette，席间大方玩自嘲称呼李尔晨（Kyle）为「兵王」，Kyle「接招」时除强调自己没有做过任何「兵之行为」，还突然「爱的宣言」指过去11年有Yvette相伴好幸福，赢来全场欢呼声。Kyle：「其实我觉得有Yvette喺身边系一件好幸福嘅事，因为大家有啲咩事，都会揾对方倾诉，我觉得未必个个人都有（可以真心倾诉嘅对象），我有陈星妤。」席间，Bob怪Kyle在Yvette专属题时没有冲出去「表现自己」，又追问Kyle想Yvette与自己还是Oswald配对？Kyle回应时竟再度意外来了个「深情告白」：「我听完Yvette讲（有Feel）𠮶吓其实好冲击，咁我𠮶刻冲出去就代表表态喇咯，呢个决定太重要，我唔可以立乱冲出去，唔通你讲完之后我话『Yes，Yvette I love you！唔可以咁。』Manho闻言即笃爆Kyle当日听完Yvette告白后Hang足半日机，并笑言：「你依家咁问佢，佢又要Hang Hang机架喇！」并预告：「呢个谜节目会解开。」
