玫瑰战争丨陈自瑶被迷奸唔怕畀囡囡睇 陈展鹏借剧教女唔好乱饮人哋畀嘅嘢 电车宣传路人同保安起冲突
发布时间：17:45 2026-11-08 HKT
马国明、陈展鹏、陈自瑶及傅嘉莉等今日到上环为台庆剧《玫瑰战争》进行电车巡游宣传，当电车去到铜锣湾，有近过百人在现场等候，而演员落车期间，由于太挤拥关系，有路人同保安起冲突。
电车巡游遇混乱吓亲陈自瑶
陈展鹏与陈自瑶受访时，提到刚才的混乱情况，陈自瑶坦言有少少吓亲，但亦明白铜锣湾是闹市关系：「我哋呢啲主角又咁有吸引力，一定系好多人嘅，所以难免可能都会有少少碰撞、挤逼呢啲情况，OK嘅，好快就冇事。」
陈自瑶《刑侦12》拍过意图被施暴戏份
陈展鹏指剧中跟陈自瑶是没有关系，但自己演的富家子弟的女友傅嘉莉就跟陈自瑶有关，而整个故事亦是由陈自瑶开始，问到陈自瑶剧中是否有大胆戏？她表示「有啲」，但主要以人性和剧情为主，对于剧中她被迷奸，陈自瑶指两年前拍《刑侦12》时也拍过被意图施暴的戏份：「但今次就会多少少，OK嘅，但内地平台我哋都睇唔到，我都好期待星期一首播，因为我睇内地评论已经话第一集好紧凑，同埋我第一集都多，因为要交代故事。」
陈展鹏喜与陈豪马国明再合作
陈展鹏也表示自己也很喜欢这样的题材：「内地少啲，我哋最强系内容创作，同埋今次都开心喺呢套剧可以同到阿Mo（陈豪）合作，我未合作过，马明都差唔多十几年先再合作返，我希望今次呢度港剧所有元素大家都会钟意。」他又指剧中内容贴地，会吸引到大家。至于是否不会让女儿观看？陈自瑶笑言不是恐怖片都可以看，陈展鹏就谓可当作教学：「等佢知道人哋畀佢饮啲嘢唔可以乱饮，如果佢大多几岁都会畀佢睇，因为始终做家长有时都要用唔同方法去令佢认识呢个世界除咗白都有黑。」
陈自瑶畀女儿观看迷奸戏
对于内地已播出几集，两人表示有留意，更开心地指听闻口碑也不错，剧集的「热度」也很高，所以也很开心，昨日大家去宣传的时候，大家也很热情，陈展鹏说：「内地都钟意一啲新题材，咁我哋香港其实都真系咁多年都俾咗好多新题材，咁今次亦都系，佢哋系好钟意娱乐圈、绯闻，我哋去演绎返更加入信，所以佢哋都好钟意好支持。」
马国明除衫笑言冇人睇
对于昨日在中山活动时，有粉丝冲上台求合照，陈自瑶就指因见粉丝从很远的地方来支持，故自己落台跟他们互动：「系我做坏规矩，后来迫到郁唔到，工作人员叫我上返台，粉丝见到我上台，佢哋又冲上台，但冇混乱，佢哋好热情，我冇吓亲，不知几高兴，我见惯风浪。」另外，马国明被问到在剧中是否会除衫，他笑指自己除没人睇？更指陈豪未除过，所以建议对方除衫。
