邓丽欣赴夏威夷电影节获当地港人力撑 恨到夏威夷开骚望顺便游览
发布时间：20:45 2026-11-02 HKT
邓丽欣（Stephy）获香港驻三藩市经济贸易办事处（HKETO）邀请，赴美出席「夏威夷国际电影节」（HIFF 2026），Stephy携主演的代表作《金都》与即将在港上映的《大分瓶》亮相，并参与电影放映、香港之夜及专场座谈会，与当地影迷见面互动，同场还有何超仪与陈子聪携同新作《拾荒法师》团队，一同宣扬香港电影文化。
邓丽欣两场放映反应热烈
夏威夷的影迷十分热情，两场电影放映会反应热烈，Stephy之后更跟他们逐一合照签名，当晚现场观众更有幸成为全球首批听众，抢先欣赏由Stephy亲自填词并主唱的《大分瓶》主题曲《无二分》。Stephy坦言首播时也很紧张，幸好观众反应热烈，纷纷盛赞歌词真挚动人、歌声细腻，Stephy大为感动。
邓丽欣解释《已经离我太远》MV非《金都》续集
Stephy说：「真系好开心！喺电影节中播放《金都》，呢一部好多年前嘅作品，但今次都有一个spotlight可以介绍畀大家，最搞笑嘅系有观众观赏完电影《金都》后，以为我嘅新歌《已经离我太远》MV系阿芳（Stephy电影中角色）20年后的续集，我都有解释返并唔系嘅，哈哈……见到两套电影放映后大家好都热情，都好多嘢同我哋分享，最惊喜嘅系好多移居当地嘅香港人都嚟到支持我，大家都好热情同我倾偈，原来佢哋都好留意我嘅嘢，知我啱啱出咗碟，佢哋都同我讲希望可以有多啲香港电影喺夏威夷上映，同时都要多谢大会同埋HKETO嘅邀请，见到大家都好钟意香港电影、对香港电影嘅热情，真系好感动，希望可以继续带多啲香港电影去唔同嘅电影节，大家继续支持香港电影！」
邓丽欣行程密密麻麻仍感受热情
这次是Stephy第一次到夏威夷，由于每天行程也编排得密密麻麻，所以未有时间去享受阳光与海滩，但她依然感受到当地人的热情，直言之后有机会一定会再来，她说：「今次系5日4夜嘅行程，本身以为天气唔系几好，第一日到埗有少少雨，都有啲失望，但系第二日就非常之好天，好靓嘅蓝天白云，真系感受到夏威夷嘅靓，虽然每日都有行程，冇乜点样出去玩同感受吓大自然，但都有争取咗少少时间去行吓街，去沙滩望吓，所以都开心嘅。好记得喺座谈会后有朋友问我会唔会去夏威夷开演唱会，我𠮶刻都有谂，今次对夏威夷嘅感觉真系好好，但冇咩时间去玩，如果真系有机会去开骚就可以顺便去游览，都几开心㖞！希望有朝一日会喺当地有音乐嘅活动！今次旅程真系非常开心、好温暖！」
