女神配对计划2丨陈星妤箍颈揿陈若思落水成颈红肿瘀伤一夜负评终发文道歉网民唔买帐批虚伪

更新时间：12:05 2026-11-02 HKT
发布时间：12:05 2026-11-02 HKT

TVB恋爱真人骚《女神配对计划2》昨晚（1日）播出的第9集，7位女神与求爱勇者移师主题公园大玩水上游戏，本来她们身穿泳衣出战，在镜头前动感十足劲养眼，不过陈星妤与陈若思在水上「骑膊马」游戏中爆发激烈大混战。陈星妤因表现过于「狼死」，双手强行箍颈并将陈若思揿落水，导致对方颈部严重红肿瘀伤，引发网民排山倒海的批评，怒轰她是「恐怖女神」。

陈星妤发文向陈若思道歉

在节目播出后，陈星妤在Threads发文向陈若思道歉：「睇返今次节目，我有认真反省。当时太投入比赛了，冇控制分寸同力度，心里真系唔好受。 Amber，抱歉令你受伤了。见到你嘅瘀伤，我好自责，希望你快啲好返。」但网民依然不卖帐：「其实点止Amber，两次落场都系咁狼死，人哋跌咗落水都仲要揿人哋个头落去，话晒大家都系同事，有必要咩？、「当时你点会唔知，隔咗咁耐先道歉？」

陈若思至今未有为陈星妤的留言表态

节目中一众女神为了争夺更换拍档的权利进行水上水战。首轮由身形娇小的陈星妤对战陈若思，两人甫开战便放下偶像包袱疯狂拉扯，一度战至表情失控。最初陈若思「战狼」上身向陈星妤猛烈攻击，陈星妤先把腰向后拗并企图避开。之后陈若思开始力气渐弱，陈星妤开始主动攻击，一手拉著陈若思的衣服再推她的脸，其后再出尽力用手掐捏陈若思的颈部，企图让陈若思下水，虽然陈若思已经被推下水，但陈星妤仍然出力将陈若思揿落水，事后陈若思说：「我全程只系谂住拉佢落嚟、将佢推落水，但佢实在太顽强喇！我点拉点推，佢都好似稳如泰山咁，完全拉唔到佢落水！」吴兆麟表示担心陈若思，与陈若思一同出战的林子朗更说：「因为当时喺水里面睇唔到上面，只顾住唔可以放手，其实我好care Amber嘅安全问题，就算赢咗比赛，但如果整伤Amber，我会觉得好内疚。」陈若思至今未有为陈星妤的留言表态。

陈若思被发现「成条颈红晒」兼瘀伤

陈若思上岸后被发现「成条颈红晒」兼瘀伤，大批网民开PO炮轰陈星妤不顾对手安全、出手过分凶狠，有人说：「报警伤人！有晒片有晒证据，有攻击过程，有伤痕，成条颈伤晒，揿人个头落水！大家帮手报警加投诉！大家商业唔好揾呢条女合作，cut佢广告！」、「Amber已经落水，再襟入水就唔止是游戏想赢啦。」、「无嘢呀你？今集之前已录咗啦，到咗街睇完先话反省?」、「吓？你系咪嚟搞笑？而家道歉有咩用，今集之前已经录完而家先say sorry，同埋如果你系真系惊整伤人第二round就唔会继续系咁啦！」、「赢比赛输人品！点靓女都冇用心地唔好！以前睇《一舞倾城》后喜欢你并开始留意你。但今次睇节目初期都觉得你有些粗鲁，但真系估唔到玩游戏比男仲狼死、好凶狠！在电视机面前表露无遗真性格，输哂！」陈星妤亦曾在陈若思的PO留言：「现在回看，当时确实太投入比赛了，也觉得有些地方可以做得更好。抱歉让你受伤了Amber。」但有人说：「猫哭老鼠+此地无银，越描越黑，得啖笑。」、「系令人对你好失望，Ice帮你胜出咗，佢只系想去Juju的组，你都唔做返个顺水人情比人哋。你真系好唔识做人，好自私，只谂自己，难怪你圈中人缘差。完全睇得出点解？人品唔得，几靓到无用。」