林淑敏告别《爱・回家》过「糊口生活」 撑新剧有新意需时间消化 懒理「双面人」指控：做返自己
更新时间：15:45 2026-09-27 HKT
发布时间：15:45 2026-09-27 HKT
发布时间：15:45 2026-09-27 HKT
字体大小
「大小姐」林淑敏今日（9月27日）出席禁毒活动。她接受访问时，表示趁自己还有知名度，尽量用影响力宣扬禁毒意识。访问中，她亦提到《爱・回家之开心速递》大结局后，她的生活近况，另也回应了近日网上对她的攻击的传言。
林淑敏煲剧煲到好开心
近来工作可好？她回答：「唔忙嘅，哈哈哈，之前拍摄日程同而家对比系好清闲。（开心？）开心嘅，我做咗呢9年嚟冇乜点做嘅嘢，煲剧煲到好开心！」她坦言，平日无事就在家睇剧，更试过两三日就睇完一套50多集的剧集。「可以多啲时间陪屋企人，以前约朋友食饭推三推四，而家就义不容辞，赴汤蹈火咁去，一日可以食三次，每次8个钟。」
林淑敏练跑准备马拉松
她坦言，生活过得相当滋润，但说到收入，她就回答：「有享受好忙碌嘅生活，但系而家都要静一静，咁我又好开心有休息机会。收入系，糊口嘅。基本上开支应付到，以前就使钱机会少啲，而家过紧一个糊口嘅生活，哈哈哈。」她也透露，现正勤于练跑，迎战之后的马拉松赛事。她亦坦言，自己性格较被动，虽然想拍剧，但还是要等公司安排。
林淑敏认艺术好主观
觉得新处境剧《爱・回家之三代同糖》如何？「大小姐」林淑敏也回答：「相当好，其实sit-com真系好忙，演员又好，观众又好，系需要时间消化，团队都好，大家都努力紧接受改变。一套9年几嘅剧，突然间要观众转口味系唔容易，我觉得真系有啲新嘢俾观众睇。（好多人话唔好睇）咁艺术好主观嘅，唔好睇可能大声讲，好好睇可能细声讲。」
林淑敏想将美好留喺剧度
近日有传言指林淑敏「双面人」。她回应：「我觉得做返自己，钟意笑就笑，唔笑就唔笑，同埋随住《爱・回家》告一段落，我好想将𠮶份美好留返喺套剧度。啲观众睇，纯粹系因为钟意套剧，而唔系好多是非。（会唔会唔开心？）讲真，我继续喺呢个江湖度做嘢（就有风雨），咁大家就知我做嘢系点，同埋我觉得做返自己，唔需要澄清自己系点。」
