麦长青带许惠菁寻父亲足迹 体会许绍雄开工辛酸感触落泪
发布时间：22:15 2026-09-22 HKT
麦长青（麦包）近日联同许绍雄女儿许惠菁（Charmaine）主持麦包Youtube channel节目《青菁地》，走访各区美食交流两代饮食文化，节目播出后赢得口碑，而昨晚播放的最后一集，二人以「回味过去」为题，介绍昔日跟许绍雄的美食足迹，期间更大谈与许绍雄的生活点滴，当中Charmaine提到亡父性格硬净，因此她偶然亦会忽略对方时，不禁泪洒当场，还呼吁大家要珍惜眼前人。
Charmaine忆父亲追爱往事
麦包与Charmaine在今集节目开首特别到访九龙城，先介绍一间许绍雄昔日经常光顾的茶餐厅，并大爆许绍雄多数只点牛腩河，不会点饮品，麦包笑问Charmaine点解会咁「孤寒」，Charmaine指原来背后有原因，她说：「佢习惯我同妈咪同佢一齐嚟，我哋饮唔晒啲冻奶茶就畀佢饮！」提到父亲，Charmaine还大爆当年父亲花了7年时间追求母亲，「老窦好似追咗阿妈7年，而家呢个年代，追咗7星期冇反应，应该都会拜拜；阿妈都系做呢行幕后，老窦收工停架车喺厂等佢，可能老窦开工开咗好多个钟，但都照等，真系几sweet。」
麦包带Charmaine体验「路边开餐」
麦包在节目中透露跟许绍雄在剧集《兵权》首次合作，当年对方十分照顾作为新人的他，为了令他「冇咁陌生」，专诚接载他去食饭，麦包还带Charmaine到慈云山烧味舖买「四方果」，到昔日的清水湾电视城附近作路边品尝，麦包表示：「每次外景都会食『四方果』，即系开工饭盒，公司嘅饭盒就喺呢度买，亦都系我同你爸爸（许绍雄）食得最多嘅嘢，可以体验一吓食你爸爸食饭嘅地方，通常拍外景都习惯喺街边度食，你爸爸中午就系咁样滴住汗、晒住太阳食一个暖嘅饭盒，暖系因为被太阳晒所以保温，同佢食住饭、讲住烂gag，好开心好多欢乐。」
Charmaine感觉跟爸爸距离拉近
体验「路边开餐」的Charmaine直言，这一刻让她更深刻感受到爸爸当年拍戏工作的日常，更表示感觉跟爸爸的距离拉近，她一边落泪一边说：「佢成日都唔想我哋担心，有咩压力同情绪都唔讲，辛酸嘢佢永远都唔会讲，其实佢都好需要被关心，爸爸不嬲硬净，我有时都忽略咗佢，有少少后悔，应该畀多啲关心佢，大家如果爸爸同屋企人仲喺度，真系要好好珍惜。」
