肥妈数梅启明呃钱恶行靠梅艳芳开狗场擸尽抗癌会善款痛心阿梅做摇钱树：瞇埋眼仲搞你

更新时间：15:30 2026-09-01 HKT
发布时间：15:30 2026-09-01 HKT

已故天后梅艳芳母亲覃美金（梅妈）于8月30日离世，随即引发梅家新一轮遗产与丧礼主办权争夺风波。被外界戏称为「遗产界KOL」的长子梅启明高调宣称将以儿子身份主理身后事，并扬言动用梅艳芳信托基金为母「风光大葬」；然而，梅妈生前好友潘小文透露梅妈早立遗嘱并将身后事全权交由孙儿处理，其妻Joey亦公开怒轰梅启明涉重婚且逼得梅妈生前入院躲避、毫无资格主理丧礼。对此，肥妈（Maria Cordero）昨日（31日）于YouTube节目《娱乐好好玩》中痛斥梅启明是彻头彻尾、一心只想索取遗产的「败家仔」，多年来生活开支都依赖妈妈及妹妹，如今二人都已离世，仍不放过先人：「瞇埋眼仲搞你！」她亦直言梅妈百岁离世对老人家而言是一种解脱，终能摆脱长年被苛索金钱的困扰。肥妈在节目中更谈及梅启明多年来借做生意为名，声称要开酒廊、狗场问妹妹梅艳芳拿钱，不少网民都指梅启明受访时称「20年来未拿过一分一毫」，说话极无耻！

肥妈斥梅启明是彻头彻尾的「败家仔」

肥妈昨日在直播中狂骂梅启明，对于梅启明声称要动用信托基金一事表示：「（梅启明）不嬲都想动呢个基金㗎啦！完全唔出奇，佢系咩人呀？阿梅在生𠮶阵佢都系咁啦，又话开酒廊、日日都去呃阿梅啲钱。阿梅临终时设立基金，但都阻止唔到佢哋咁样（打官司），其实只系益晒啲律师。」直斥梅启明一直想打基金主意。肥妈更狠批梅启明根本不想靠自己揾钱：「佢成个人嘅人生就系谂点样去攞人啲钱咋嘛，佢冇谂过自己去揾钱！」肥妈坦言梅妈百岁高龄离世是解脱，「第一，佢已经过百岁；第二，就唔使再畀呢个败家仔无止境咁去攞钱。」她更痛批梅启明不思进取：「佢成个人嘅人生就系谂点样去攞人啲钱，冇谂过自己去揾钱！」

梅启明疑借丧礼攞钱吴家乐：cap埋最后一转

谈及梅启明复杂的私生活与家庭关系，肥妈气愤表示：「佢有几个女朋友，一阵又话再结婚，跟住老婆走出嚟话未离婚，都唔知边个先系老婆。」主持吴家乐亦提到梅妈早已登报与他断绝关系，据悉母子已近两年未有见面。肥妈说：「你见亲都系攞钱啫，《梅艳芳》𠮶套戏，人哋够畀咗钱梅妈啦，即系个copyright𠮶度，佢咪又系告阿梅妈，因为佢谂住佢有份㗎嘛。佢成个人嘅人生就系点样去攞人啲钱嘛，佢冇谂过自己去揾钱。系嘛？而家佢阿妈死咗喇，咁佢又要去攞喇。有阵时生到咁嘅仔，真系算啦，系嘛？一个鼎爷个大仔，一个佢，系嘛？你咪算啦，佢钟意搞咩咪搞咩啰，佢搞唔到嘅，做吓善事好过啦！」

根据梅艳芳当年的遗嘱安排，信托基金在梅妈离世后，剩余资产将全数捐赠给妙境佛学会，意味著纠缠逾20年的遗产风波在法律层面上已正式落幕，梅启明亦宣告「断粮」。主持人吴家乐与邓兆尊指出：「如果系咁，佢以仔嘅身份应该郁唔到个信托基金，所以佢咪想用最后方法搞个『风光大葬』，喺中间cap水，连帛金都cap埋，尽量cap埋最后一转。」肥妈随即附和：「理得佢帛金、黑金、黄金定乜金呀，有得cap得就cap啦，系嘛？真系㗎，即系佢一生就系去点样去将呢三个女人，𠮶两个家姐加留埋阿妈，去点样去煠佢啲钱，当摇钱树咁摇出嚟之嘛。」

梅艳芳曾助成立抗癌协会肥妈痛心善款遭吞占

肥妈坦言自己看着梅艳芳成长，对于梅艳芳生前死后的遭遇感到既心疼又愤怒。她回忆梅姐当年非常孝顺，但梅启明屡次借妹妹名义骗财：「𠮶时佢阿哥用阿梅姐个名，话开狗房又开乜，去呃阿梅啲钱。呃咗几次后被阿梅发现就唔再畀佢，净系畀梅妈。但梅妈又纵呢个仔纵到黐线，阿梅明知梅妈私下接济佢都无可奈何。」

梅妈早年曾成立「世界中西医学抗癌协会」，梅艳芳不仅出钱出力捐出数千万元并担任名誉主席，肥妈与一众圈中好友亦现身义唱筹款。未料辛苦筹得的善款最终落入梅启明手中，肥妈痛斥：「呢个男人一世做嘅嘢就系谂办法点去呃人，借梅妈同阿梅个名出嚟呃钱。𠮶阵阿梅好惨，虽然真系登报宣布唔认呢个阿哥，但都无用，瞇埋眼佢都仲会搞你。」