陆浩明秘密筹备浪漫沙滩求婚 下跪断片：脑袋一片空白 成功即向肥妈报喜
更新时间：00:49 2026-08-29 HKT
发布时间：00:49 2026-08-29 HKT
发布时间：00:49 2026-08-29 HKT
字体大小
47岁TVB节目主持「6号」陆浩明昨日（28日）无预警宣布向拍拖14年的模特儿女友陈诗欣（Ayan）求婚成功，更指自己会用一万倍嘅努力，令准陆太幸福快乐。
陆浩明为求婚准备好几个月
6号回复《星岛头条》时表示要多谢大家嘅祝福和恭喜，又指能求婚成功好开心：「其实为咗呢次求婚，我都准备咗好几个月，我知道Ayan就好钟意浪漫，所以我谂下有咩地方可以好浪漫，我哋又从来未去过马尔代夫，不如去𠮶度安排一个沙滩，布置好啲心心，食一个烛光晚餐之前就同佢求婚，就拣咗呢个地方进行我嘅秘密求婚。」6号又指在出发之前到求婚当日，心情好紧张：「我谂我咁大个仔都未试过咁紧张，后嚟我都问返Ayan，我话去紧旅行嘅时候，有冇估到我今次会同你求婚？佢话冇，完全冇发现，我觉得呢个惊喜我都准备得好成功。」
陆浩明笑言情深说话未曾讲
他又表示原本在求婚时已想了好多情深说话跟对方讲，但到拎戒指跪低一刻，整个脑变到一片空白，什么也想不到，只是记得问对方愿不愿意嫁给自己：「我净系听到佢讲O K O K，好好好，咁我就完成咗成个求婚嘅过程，所以好开心，多谢大家嘅祝福，也祝大家甜蜜快乐。」而他笑言求婚成功后有向肥妈报喜，肥妈听后也劲开心，又指肥妈早已叫Ayan做新抱仔，所以这杯新抱茶不能缺少肥妈。
