许廷铿孖廿四味Brian「着两条裤」做带货自爆不惊拍档爆粗：最惊我都爆埋想约欣宜打牌放松心情

更新时间：23:15 2026-08-28 HKT
发布时间：23:15 2026-08-28 HKT

「真・星级牙医」许廷铿和「廿四味」成员Brian李凯贤今日（28日）出席超级市场直播带货活动。许廷铿接受访问时，坦言自己未做过带货，还要与Brian首次合作，说：「我食嘢比较多，但系同呢个着两条裤食叉烧嘅朋友就第一次合作。」并谓自己也「着咗两条裤」。访问中，他也谈及好朋友郑欣宜的近况。

许廷铿认自细识廿四味

他笑言：「我正常着两条裤，一条系底裤，一条面裤，可能佢着三条。」当日直播活动为介绍新西兰产品，他也表示儿时曾到访当地，虽记忆不深，但想再次与家人同行到当地旅游。问到会否担心Brian在直播中「爆粗」，他笑言：「我唔怕呀，最惊我都爆埋粗啫，啱返个channel，同埋我好惊中英夹杂，因为佢好多英文，但系我觉得佢系过瘾嘅。」他表示，自己也是「廿四味」的歌迷：「我好细个就识佢啦，廿四味嘛。」

许廷铿牙医诊所料近2个月内开张

最新有新闻指他开牙医诊所，他表示自己有足够经验，所以与姐姐合作开一站式医疗中心。「确实我𠮶边开嘅日子待定，都会邀请一啲好朋友嚟。（今年内？）一定今年内，应该呢一两月内发生。（一齐去睇牙？）乜都得！」问到多不多fans去睇牙？他坦言：「不嬲都唔少，我自己就尽量分返开，你嚟睇牙就当你系尊贵嘅客人，你如果喺门口想影相，我就当你系歌迷。（如果睇完牙揾你影相？）都得嘅。我自己想分开啫，咁人哋嚟都知道系明星牙医咁样。我自己就低调，但系宅心仁厚。」

许廷铿望欣宜做第一个客人

开幕当日会否邀请欣宜？他回答：「我都想，地点近咗佢㗎啦！应该系方便佢，佢嚟嚟去去都系𠮶几个地方，港岛应该系OK啲。」他表示，暂时未有空揾欣宜：「我想揾佢打牌，我都想放松吓。（对上次几时见？）都系Whatsapp比较多。（成日有fans见到佢）我都冇『捕获』到佢。（几时约佢出嚟？）未讲呀，小巧生日佢都冇出嚟，再睇啦。（希望你开张时佢嚟）系㖞，咁佢嚟会好哄动。（做你第一个客人）我都想呀！」

↓追踪《星岛头条》WhatsApp频道↓