中年好声音4｜尹景顺曾陷严重抑郁日日想死十几次 走过自残阴霾看淡名利：攞第七都冇问题

TVB节目《中年好声音4》总决赛将于8月23日假启德体艺馆举行，终极7强名单已经顺利诞生，包括：尹景顺、吴亦伟、尤淑情、许云妮、许美琪、蔡宓婕和郑家声。马来西亚过江龙尹景顺（Eugene）凭借雌雄莫辨、真假音转换自如的独特声线成为三甲大热。尹景顺近日接受网上节目《橙色大笨象》专访，首度深情剖白十年追梦的辛酸背景、对抗严重抑郁症的经历，以及他如何练就出一颗「百毒不侵」的强大心脏。

尹景顺选择平淡面对负评

因为能完美驾驭男女声，尹景顺在节目播出后得到不少粉丝支持，这把独特的声音为他带来掌声的同时，也惹来两极化的负评。面对这些负评，尹景顺选择平淡面对：「成件事我都睇到好平淡，你钟意，我真系好感激，好多谢大家嘅钟意啦，钟意听我唱歌啦。咁唔钟意我嘅人呢，其实我都唔会逼你去听我唱歌嘅，因为大家都系成年人啦，自己钟唔钟意听，或者喜唔喜欢都系自己要去选择啦，人生系自己，唔需要因为人哋嘅一句话而令自己唔开心。」

相关阅读：中年好声音4丨尹景顺曾驻唱揾食 歌声雌雄莫辨成特色获封「东方不败」 被指未红先骄？

尹景顺坦言自己是一个颇自卑的人

在《中年好声音4》的舞台上，尹景顺由盲选演唱《身骑白马》开始，便展现出超班的歌唱技巧，其后尹景顺表现极为强势，因为能完美驾驭男女声，尹景顺虽然获得不少粉丝支持，但同时有网民留下尖酸刻薄的留言，面对网上两极的评价，尹景顺坦言他其实是一个颇自卑的人：「其实我对自己唔系咁有自信嘅，自卑咗之后我就开始去建立一个谂法，就系呢个世界上系冇人会钟意我嘅，如果有一个人钟意我呢，我就应该好开心啦，我永远永远都系咁嘅谂法。即系好似食嘢咁啰，有啲人钟意食鱼，有啲人钟意食鸡，咁你冇可能叫一个唔钟意食鱼嘅人去食鱼㗎嘛，系咪先？So 其实对我嚟讲，我成件事我都睇到好平淡，即系你钟意，我真系好感激，好多谢大家嘅钟意啦，钟意听我唱歌啦。咁唔钟意我嘅人呢，其实我都唔会逼你去听我唱歌嘅，因为大家都系成年人啦，自己钟唔钟意听，或者喜唔喜欢都系自己要去选择啦。So 我系睇得几开嘅。所以，好多 bad comments 对我嚟讲，其实都唔系咁大嘅打击，唔会影响到我任何嘅心情。」

尹景顺曾因别人的批评而不开心

尹景顺的比赛经验相当丰富，早在2017年，曾参加《The Voice 决战好声2017》勇夺殿军（第四名），亦曾参与大马标志性的《Astro 新秀大赛》，最具话题性的是，尹景顺早在十多年前就曾远赴台湾，参加《华人星光大道2》（2012-2013年），当时曾因别人的批评而不开心：「𠮶阵听到人哋唔钟意我，或者唔钟意我听歌嘅时候呢，就会好伤心，𠮶阵得失心好重，好好好想赢，好想晋级。咁一输咗啦，你就会开始怀疑自己、好伤心，连唱歌都唔想唱。长大咗之后发现，点解我要为咗呢啲嘢去整到我自己唔开心呢？因为唱歌始终系我最钟意嘅嘢，最钟意做嘅嘢，我最爱嘅嘢。咁唱歌系应该要开心嘅，点解要因为一次嘅失败，或者一啲人嘅唔钟意，而唔钟意自己呢？点解我会成日同好多人讲啦，无论如何，你嘅人生系点样，系你嘅人生，唔好因为人哋讲你一句话，就去唔开心，所以就变咗我而家嘅尹景顺啦。即系冇咁容易俾人伤害。」尹景顺续说：「其实我都算非常非常坚强嘅人。但系呢我都系好脆弱嘅人。点解会讲自己好坚强呢？其实好多人表面上越坚强嘅人，其实佢心底就越脆弱，我其实系好钟意喊嘅人，睇卡通片都会喊嘅𠮶种人。」

相关阅读：中年好声音4丨蔡宓婕高颜值继子首曝光 获封最强继母 父子神基因超吸睛

蔡宓婕赞老公是最强大后盾：

尹景顺曾患严重抑郁症

尹景顺早在十多年前就曾远赴台湾读书兼发展，他曾因为工作问题而患上抑郁症：「我系非常非常之严重，即系我可能一日入边系会谂十几次要点样自残，或者点样去自杀呢件事。咁呢件事发生咗，我觉得咁唔得㖞，咁我要睇医生啦。咁我睇咗医生啦，食咗一日药之后，我又觉得，唔得㖞，呢啲系心理问题嚟嘅，我一定唔可以继续食药。咁我就由台湾呢完全搬返去马来西亚。即系2016年嘅时候啦，我就开始呢，唔畀自己谂咁多嘢。因为我觉得，系好恐怖𠮶种感觉，即系你成日觉得你自己唔想喺呢个世界，𠮶种自卑感。点解会讲 2016 嘅时候，我同而家嘅心态一样，因为𠮶时候我已经带住我呢个谂法，就系唱好只歌就好啦，比赛呢样嘢，净系要畀大家听到我唱歌。所以我觉得而家嘅我系可以做心理辅导师嘅一个人。因为自己都已经经历过，或者可以讲，已经完全走晒出嚟。不过我系因为有过抑郁症嘅人，其实个底都喺度，有时候我都会几伤心，但系会尝试转念啰。即系谂其他嘢，去搞返好自己嘅心情。」

尹景顺被视为三甲大热零压力

至于被视为三甲大热，尹景顺则说：「我喺呢个比赛入边完全一啲压力都冇，决定权唔系喺我身上，参加比赛系一个过程，你只要唱好你只歌，我哋前面得五个评判，可能呢五个评判都唔认可你，但系可能出边有 100 个听众钟意你唱歌呢？其实，净系呢个比赛，净系得五个评判嚟，决定你嘅生死。咁点解你会因为佢哋畀你嘅分数，或者唔好嘅评语，你就觉得你自己唱得唔好呢？如果你对自己冇呢啲信心嘅话，你就好容易打沉你自己。我成日都讲，你只要唱好你自己，生死系佢哋决定嘅，啱唔啱听都系佢哋决定嘅。咁攞唔攞到冠军呢件事呢，攞到冠军喺多咗十万蚊嘛，系咪？多咗个 title 啰，我又有好多朋友，佢哋喺一个比赛入边，甚至攞第六、第七名，但系已经做咗，好好红嘅歌手啦，仲红过我哋𠮶届嘅冠军啦。冠军、季军都唔喺线上啦。我觉得我已经达到我目标，就系我呢一年入边已经好多人听到我唱歌，我已经吸收到好大班嘅 fans，就算到最后，讲到我攞到第七名都好，我都冇问题，有人讲冠军价钱比较好，但我又唔等钱使㖞，我唔系𠮶啲大使大用嘅人㖞，屋企冇咩压力，又唔使供书教学，屋企阿妈又自己煮得好好，够钱，钱够用就好啦。唔需要一定要攞冠军，系咪先？我嘅谂法系咁。」

防止自杀求助热线：
「情绪通」精神健康支援热线：18111；网址：https://www.shallwetalk.hk/zh/
香港撒玛利亚防止自杀会： 2389 2222
生命热线： 2382 0000
明爱向晴轩： 18288
明爱财困压力辅导热线: 3161 0102
社会福利署： 2343 2255
撒玛利亚会热线(多种语言)： 2896 0000
东华三院芷若园： 18281
医管局精神健康专线： 2466 7350
青少年情绪健康网上支援服务「Open 噏」：https://www.openup.hk/service