谢雪心忆四哥风流倜傥一个摸袖口钮动作已魅力四射叫谢贤做阿哥因姓谢唔多

更新时间：21:15 2026-07-27 HKT
发布时间：21:15 2026-07-27 HKT

谢雪心今日出席《大AL的音乐历程》演唱会记者会，心姐上台与大AL叙旧时甜笑称呼「老公」，于会上她接受访问时透露源于剧集《你好，我的大夫》合作：「我哋两个都演名医，我识得针炙、有场戏要针个脑㖞！其实有啲紧张，但有专业人士指导，正式拍之前教晒所有位置。佢好叻完全唔惊，反而我好惊！嚟真拮落个头到！到依家我都唔敢去针炙！」谢雪心表示在拍摄时受大AL照顾，更因此大饱口福：「佢会煮好多好嘢食，海鲜为主，佢有朋友会打鱼，蒸好大条鱼出嚟！」

难忘四哥健康健谈开心时刻

提到「四哥」谢贤离世，谢雪心格外感到难过：「我叫四哥做阿哥嘅，因为娱乐圈姓谢嘅人唔多，佢好锡我、见亲都叫我阿妹。唉！人生就系咁样，我脑海永远记住佢好健康、好健谈、好开心嘅时间。（几最后见面？）有一次系拍嘢，应该喺深圳，一齐坐车返香港。都几年前，疫情之前。」

谢雪心跟谢贤合作感荣幸

谢雪心对四哥近年健康状况不甚清楚，但记得对方凭《杀出个黄昏》荣封影帝时状态尚算良好。心姐亦表示自小认识四哥，对风流倜傥、幽默风趣形象印象深刻：「佢好简单一个动作，摸一摸袖口钮，已经散发出嚟，唔系扮出嚟、骨子里就咁风流倜傥！（曾经有否心动？）𠮶时未识心动！后尾可以合作、叫佢做阿哥，系我嘅荣幸。」至于四哥身后事方面，心姐表示尊重其家人意愿，心中永远怀念便足够。