陈懿德主持《声秀》遭狠批后千字文认错 无法原谅想替自己行刑：唔知点面对你哋
发布时间：13:34 2025-11-08 HKT
TVB歌唱比赛《声秀》在上周日（2日）举行决赛，经过8强选手的激烈角逐，实力唱将冯熙燮成功夺得冠军宝座，柯雨霏凭借出色表现荣获亚军，而胡子贝则将季军及「观众热选声秀大奖」两项殊荣收入囊中。不过当晚主持陈懿德的表现却意外成为了全场焦点，事后被网民力数7宗罪。
陈懿德潜水多终认错
潜水多日的陈懿德昨日（7日）终于「上水」并撰长文劈头第一句就认错：「错就要认，打就要企定，首先想讲对唔住，容许我沉淀咗几日，今次嘅表现的确唔好，所以到呢刻，我都无办法放过自己。」
相关阅读：陈懿德主持《声秀》决赛表现「甩辘」 自炒绯闻提及罗天宇好尴尬？ 靠性感扳回一城
陈懿德终于「上水」道歉
陈懿德在《声秀》决赛的表现「甩辘」，不单在在主持期间，多次无故提及绯闻男友罗天宇，宣布季军时，更读错人名，一度误将颖乔宣布成季军，令真正的季军胡子贝和颖乔面露疑惑，她的连番失误引发网民批评，不少网民指她声音太嘈、未能带动气氛，甚至建议她回归主持《东张西望》可能更适合。昨晚陈懿德终于「上水」道歉，还多谢大家评论：「好多人叫我唔好睇负评，但我认为comment得嘅其实都系观众，而我系有责任照顾每一位观众嘅感受，多谢你哋愿意花时间畀最直接嘅建议我，亦让我知道，我仲有好多地方需要改善，如果让你失望了、唔舒服了，对唔住。」她续说：「熟悉我嘅人都知道我系一个对自己好harsh嘅人，即使系一个其他人未必睇得出嘅小过失，我都已在心中唾骂咗自己过万次，更何况系今次嘅表现，所以..相信我，我对自己嘅愤怒、失望、怪责唔会比大家少。」
陈懿德曾想做刽子手替自己行刑
陈懿德完骚后曾想担起刽子手的角色替自己行刑，她亦为宣布季军的失误道歉：「作为主持 造成咁嘅场面，我责无旁贷，难辞其咎，一定抵闹。当下我真系唔应该净系依赖个highlight，系应该再望多次咁多条bar嘅高度，系应该宁愿再望多几秒， 肯定再宣布，系应该再三fact check，我系应该作最后把关嘅位置，但我当下做唔到，呢个都系我最嬲自己嘅位，再次讲声对唔住。」陈懿德称这几天收到不少讯息：「原谅我有种愧对你哋，唔知点面对你哋嘅感觉，所以我都覆得好慢。但多谢你哋令我知道我唔系自己一个，更加多谢你哋提醒我唔好失去对自己嘅信心，唔好放弃，系你哋嘅爱令我觉得我要振作啲先得，我应承你哋主持系我好热爱嘅事，我唔会放弃。人生一系成功、一系成长，虽然今次唔成功，但我会重新审视自己，从失败中成长，虽然跌得好痛，但我会努力飞得更高，我唔会要求大家一定要喜欢我，但我会努力一步一步令你哋改观。以前我会用200分嘅努力去准备、日后我会用400分嘅努力去弥补。」
相关阅读：陈懿德为罗天宇疾呼：佢善良唔花心 荣幸成为绯闻男友「收割」对象 丨独家
