赖慰玲大仔Marat演「少年关智斌」一鸣惊人获网民激赞 囝囝爱上跑步母子档参赛
发布时间：08:35 2025-11-05 HKT
现年39岁的赖慰玲（Winki），2012年与舞台剧演员梁子峰开始交往，及至2017年7月公开怀孕消息，两人于同年8月28日结婚，并于年底诞下一子，及至今年她再诞下细仔Kavis。赖慰玲诞子后极速复工，更现身参与慈善工作包括慈善跑活动。赖慰玲指，大儿子Marat参与后从此爱上跑步，她笑言：「佢话想跑3K，我就帮佢报，而且佢每次都话要同爸爸一齐练跑，佢真系爱上咗跑步。」不单如此，Marat最近更踏台板，于关智斌的演唱会上扮演「少年关智斌」，直言「有呢啲过程嘅小朋友成长得好快，佢可以处理嘅嘢，我哋想像唔到！」
赖慰玲大仔爱上跑步
赖慰玲指大仔最近爱上跑步，而且跑得认真，加上家中有个跑马拉松的爸爸，更推动了全家一起参加慈善跑。赖慰玲说：「𠮶次之后佢就话想跑3K，我就帮佢报，而且佢每次都话要同爸爸一齐练跑，佢真系爱上咗跑步。所以好想陪住佢参加呢啲，我仲应付到嘅3K跑。 」今年母子二人除了继续落场挑战障碍赛，更找了许多圈中父母一同参加，希望小孩玩乐「放电」的同时，亦都了解贫困国家儿童的情况，让他们学懂珍惜及伸出援手帮助别人。
赖慰玲大仔演「少年关智斌」急速成长
最近Marat亦在关智斌的演唱会上扮演「少年关智斌」，与关智斌同台表演，获网民高度赞赏。她指，当初之所以让儿子随两夫妇之路踏台板，都是缘份。赖慰玲说：「我哋（她与丈夫梁子峰）都系舞台剧出身，所以大仔成长都睇好多舞台剧，佢对呢样嘢唔陌生。直至有朋友邀请佢帮手，我就问佢系咪OK。其实佢唔知咩嚟，我就讲个情况畀佢听，佢真系谂咗阵，就话：『可以！』沿途戏剧指导一直畀好多情绪价值佢，话佢做得好好！所以过程里面佢好享受。」
但始终是第一次作大型公开表演，只得7岁的Marat难免紧张！赖慰玲：「去到台面，佢就自己经历𠮶啲紧张、惊心动魄、唔可以甩漏！有呢啲过程嘅小朋友成长得好快。佢可以处理嘅嘢，我哋想像唔到！」既然有良好体验，她又会继续培育Marat成为演员吗？赖慰玲笑指：「我唔会㗎，我觉得事情会发生就会发生，佢想就做，佢唔想就唔做。有好多嘢可以玩嘅，最紧要有个快乐嘅童年，见到佢有笑容就够。」
赖慰玲心郁郁重回舞台剧界
赖慰玲出身自来舞台剧，到后来才走入电视圈。谈起剧场，她坦言自己都「心郁郁」想再踏台板，「有时而家去睇舞台剧都好心郁，咁多年都好想做但未有机会，有时同舞台剧啲朋友见面都话：『不如搞啦？你搞预埋我丫？』开始觉得系时候（重返）。同埋我去咗人生第二个阶段，同以前喺台上扎扎跳有啲唔同，可能有啲新嘅领域可以试吓。 」
近来剧界非常热闹，无论大、小剧场都吸引到大量观众捧场，绝对是业界走过疫情后的强心针，赖慰玲：「当然系好事，我谂无论大嘅表演定细嘅表演，大show吸引到多啲未入过剧场嘅观众系好事，然后呢班观众可以继续去睇细剧场嘅show，咁就百花齐放。因为以前好多系细剧场嘅show，睇开就系𠮶班人，而家就有新嘅观众。」她指，接下来将会接拍新剧，又想重踏台板。
赖慰玲最近参与慈善跑活动，她透露主因是大仔Marat表示想参与：「两年前都参加过unicef嘅慈善跑，𠮶时谂住打下卡，我仲著咗对有platform嘅波鞋，冇谂住跑得好激烈。我话：『仔，行下啦』，佢用好诚恳嘅眼神话：『我真系好想跑！』，点知佢真系穿插一群人，跑到去对面，佢好开心，佢个笑容好深刻，运动带畀一个人嘅快乐好纯粹、好简单。」
