声秀决赛｜柯雨霏呻穷︰好想要冠军奖金 胡子贝成「双季」唔甘心料留港发展
发布时间：14:15 2025-11-03 HKT
柯雨霏在TVB《声秀》决赛中夺得亚军，冠军冯熙夑（Ryan）独得10万元奖金。柯雨霏对赛果没失望，「行到呢度好感恩」，又指前日突然声沙，幸导师泳儿知道后即时安排医生来帮她针灸。泳儿表示彩排时，见柯雨霏高音出问题，加上她大压力会爆喊又失眠，故急call相熟中医师帮忙。问到要如何报答泳儿老师？柯雨霏即问对方「你想食咩？」不过泳儿就指会睇实爱徒荷包。
柯雨霏︰有造马我使咁紧张？
对于宣布冠军一刻现场有嘘声，亦有很多网民替她得不到冠军感不值，柯雨霏愕然说：「我好惊讶！我多谢大家钟意我，受宠若惊，Ryan（冯熙夑）一直以来都唱得好好，系好强劲嘅对手，佢攞到我都为佢开心，我行到嚟呢一步经已好感恩。唯一小小遗憾我真系比较穷，我真系有啲想要钱（奖金），呢个真系好可惜，攞咩奖都冇所谓，畀$5,000都得，我真系冇钱！」对于有网民质疑冠军是内定，故才在台上讲「分钱」一事，柯雨霏解释跟所有参赛者也有谈这话题，表示︰「讲笑咁讲，Ryan都有同我讲，如果我攞咗要分$35,000畀佢，纯粹讲笑，冇内幕，如果有内幕我就唔会咁紧张！（分畀你真系袋？）应该唔系，我会逼佢请食饭！」
柯雨霏形容自己的表现，「已经尽晒全力！我已经系逼自己唔使去谂咁多嘢，但前几日真系……我已经好耐冇瞓过一个好觉！」泳儿指事前跟柯雨霏说这是当歌手必须要经历的压力，指自己刚入行时，也试过演出前失眠，也不能好好睡觉，故著中医师给她安神药，「我都成日心灵辅导佢。」
相关文章︰声秀决赛 | 冯熙燮唱《七百年后》频甩漏失误仍做低柯雨霏 苏永康建议演绎《小心地滑》成夺冠关键
泳儿笑柯雨霏「未知数」
对于柯雨霏只能获得亚军，泳儿指不会觉得可惜，爱徒已是超额完成，笑指她前日唱《荆棘海》时是另一个人：「佢喺个海度唔知浮咗去边，呢晚决赛我佢返番嚟，我要冠一个名称畀佢叫『未知数』，我永远预计唔到佢上台可以点！有网民支持我都觉得开心，有网民留意佢，已经赢咗啦！之后条路最紧要，名次系呢一晚，之后大家都系从头开始。」而柯雨霏指最想做的就是食、瞓，泳儿笑指比赛期间禁止她食炸物和雪糕，现在可以尽情食。双料季军胡子贝就形容是意外收获，没想到会得到两个奖，同时有点不甘心，唱毕《无尽》没有遗憾，望唱第二首歌给观众听，他亦打算留港发展。
