「港版松田圣子」自认淆底拒生B 为避噪音豪掷2千万置新居 曾被批婚姻失败与老公因一事大为头痛
发布时间：09:00 2025-10-26 HKT
堪舆学家麦玲玲一向劲多瓣数，除了老本行睇风水外，近年杀入娱乐圈，参与不少综艺节目及剧集，甚至又投资做生意兼买砖头，捞得风生水起身家丰厚。在2023年曾传出麦玲玲在内地睇风水期间遭绑架，需交出500万赎金后才重获自由，竟与老公「拒交赎金」有关，但事后麦玲玲笑称只不过是流料一则。
麦玲玲在1994年与任职工程师的老公何德结婚超过30年，但二人未有生育，麦玲玲直言「淆底」：「因为我见得太多，有时系父母唔生性，又或者系小朋友唔生性，养儿100岁，长忧99，系正常嘅，变咗要承担嘅嘢多咗，所以不如算喇。」麦玲玲又坦言因丈夫是个极度细心的人，于是决定身家交由老公打理，可惜丈夫在生活细节，实在令她大为头痛。
相关阅读：麦玲玲内地讲风水被埋身抚摸玉背！被爆出场费高达呢个价 曾传遭绑架索500万赎金
麦玲玲曾被批婚姻系一定唔得
麦玲玲师傅早前为人称「Son姐」张慧敏的YouTube频道的《与Son对话》担任嘉宾，在节目上，麦玲玲剖白与老公多年来的关系，麦玲玲说：「我都唔怕话畀大家知，当日我去算命，10个师傅都批我嘅婚姻系一定唔得，必定离婚差到爆，咁我咪谂不如揾一啲容易管理嘅人，拍拖咁耐都知男人行转背又系另一样嘢，你揾一啲好稳定嘅，稳定到根本唔会自己出去玩，我个人又钟意人哋有交带，我老公开会之前都会打电话畀我，佢仲成日三更半夜打返公司留言，提自己要做啲嘢。」正因为老公有「超级交带」，麦玲玲将身家都交由丈夫打理，Son姐问道：「咁佢走咗路你咪咩都冇？」麦玲玲哈哈地说：「佢管啫，郁唔到㗎嘛！佢会睇住盘数，但啲钱郁唔到㗎嘛！好似方太煮餸咁，有得睇冇得食，咁我又待佢不薄，因为佢真系一个好仔细嘅人，系一个『表叔』，所有嘢都会用表去表达！我所有无论税务、公司嘅嘢，连银行啲人都赞叹，话冇见过啲文件系可以咁齐，呢个位系无懈可击！」
麦玲玲因屋苑大维修而入市
麦玲玲认为女人很容易因为老公「失踪」而情绪有波动：「男人最聪明就系自己报导先，报到完之后其实冇人理你。」不过老公事业能力超强，但生活上令人头痛，麦玲玲笑称连节瓜和青瓜都分不清楚：「好似我叫佢帮拎红色衫落车，但系佢可以拎走红色衫，将其他衫摆落车，我咪同啲同事系咁闹，所有屋企嘢都系咁，佢系个冇常识嘅人。」虽然如此，麦玲玲发觉夫妻二人不要只是夫妻，就算是朋友、老板、上司下属，我们都要学习，欣赏对方的长处。麦玲玲今年再掷2,080万元买北角老牌豪宅赛西湖大厦买楼，她说：「我自己觉得租金升咗，主要是因为本人住嘅屋苑大维修，我又惊，因为一大维修同拆一啲嘢，就会好嘈，于是我喺尾位买咗个细细哋嘅单位，我老公都话我夸张，人哋维修你就买多一层楼，我话到时外面又嘈、又搭棚、又有煞气，倒不如买个细细哋嘅单位，进可攻，退可守，有乜嘢事唔要咪买返出去，或者租畀人，我同政府一样，有超前部署。」
相关阅读：麦玲玲惊传内地工作遭绑架 竟与老公「拒交赎金」有关？薛家燕大感惊讶
