前亚姐罗霖苦尽甘来独力照顾三子成就非凡老二硕士毕业任职心理医生劝勉同路人为保障离婚要公告天下

更新时间：10:00 2025-10-25 HKT
发布时间：10:00 2025-10-25 HKT

60岁的前亚姐罗霖曾与富商刘坤铭有一段17年的婚姻，二人婚后育有三子，但至2013年决定离婚，当时罗霖表明离婚原因涉及家暴及第三者，消息轰动一时。据指罗霖离婚后净身出户，因当时她没有能力照顾3名孩子，于是她带著当年只有6岁的小儿子刘子晋（Jonathan）离开并投靠娘家，想不到最后大仔和二仔亦主动要求与罗霖同住。

罗霖近日接受好友钟慧冰的YouTube节目访问，多年来罗霖独力照顾大仔刘子榕（Nathan）、二子刘子熙（Jordan）及细仔刘子晋（Jonathan），原来刘子榕和刘子熙成就非凡，二仔刘子熙硕士毕业后任职心理医生，大仔读完Graphic Design后，目前在香港大学攻读社会心理学硕士，罗霖可谓苦尽甘来。

罗霖离婚后复出幕前，独力凑大三个儿子，大仔Nathan在理工大学毕业，目前在香港大学攻读社会心理学硕士，二仔Jordan成家立室移居美国，细仔Jonathan亦早已长大成人，一家人颜值相当高。罗霖近日接受好友钟慧冰的YouTube节目访问上，重提当日净身出户，罗霖说：「我哋只系一张白纸，冇呢啲经验，所以好多嘢都系零，再加上妈咪一句话，一家人有粥食粥，有饭食饭。𠮶阵前夫话叫我唔好同人讲我哋离咗婚，会影响三个小朋友的，于是我咪保密，点知同人哋倾工作，梗系有男有女，点知畀人哋影到相，就话我有第三者，人哋又会用嚟攻击我，其实我哋已经分居咗，唔系有第三者，所以我都同啲经历婚姻唔如意，又或者将会离婚嘅人讲，如果你离婚一定要讲出嚟，因为系保护自己，你唔知道对方会唔会用呢啲嘢嚟攻击自己。」

离婚后罗霖本来与细仔同住，但两个月后，大仔和细仔竟然要求与妈咪同住：「大仔最初话嚟住一晚，点知佢唔走，我本来话我咪要负责晒仔你啲嘢？但最后又唔忍心叫佢走，咪畀佢留低，点知再过一个月，二仔半夜三更拎住行李嚟揾我话啱啱争啲爸爸打架，问我可唔可以嚟我屋企住一个礼拜，点知冷静完又话唔走，于是三个仔就跟着我。」罗霖曾经因为赡养费问题而打官司：「𠮶阵我用咗六位数打官司，但系女律师叫我唔好再打，对方有钱有时间，我冇钱又要做嘢，仲要照顾三个小朋友，佢惊我再打官司会崩溃，因为我有好多嘢要面对，佢仲话唔赚我钱，不如留番啲钱畀个仔去读书，最后我决定唔再打，佢想畀几多就几多，我努力做嘢。」

↓立即下载星岛头条App↓