林盛斌大女林霏儿遭网民性骚扰拟告上法庭？Bob终极发文：可能构成2至3个违法行为
发布时间：14:00 2025-10-24 HKT
现年46岁的TVB「金牌司仪」林盛斌（Bob）是娱乐圈中的多仔公，结婚18年的他，与太太黄乙颐（Pearl）育有三女一子，大女林霏儿（Faye）已经17岁，长得亭亭玉立，更不时在网上晒靓相。林霏儿早前在社交网限时动态发文透露遭网民性骚扰，事件引发轩然大波，而作为父亲的林盛斌今日（10月24日）终于发长文回应，更将一名网民的留言「贴堂」公审。
林盛斌发千字文：己所不欲
林盛斌今日在社交平台发文，并附上一张网上留言截图。由林盛斌贴出的网民留言，内容为：「咁嘅样都食得落，边位仁兄咁样为呢除害，香港政府应该要颁个大紫荆勋章俾佢。」林盛斌留言说：「有时网络世界嘅嘢，系有啲恐怖嘅，有个律师朋友话俾我知，其实网上写呢啲嘢，已经可能构成两至三个违法嘅行为。Kenny，我相信我唔认识你，你亦都唔认识我，我唔知道你出呢个post嘅意图系乜嘢，可能你系想蹭吓个热度，蹭吓个流量？定系想侮辱吓我嘅屋企人，希望令到佢哋唔开心？如果系咁嘅话，好遗憾要同你讲声，你呢个唔系太有善意嘅企图，应该好难成功。寻晚我将你呢个post俾咗我啲屋企人睇，佢哋完全冇任何嘅感觉，大家姐仲话你拣呢张相几靓添，所以唔好意思，令你失望，我个仔仲问我，点解你个样系一支红酒同埋一件蛋糕，跟住我哋一家人就笑得好开心。我想讲，我同我嘅屋企人，包括我太太同啲小朋友，都比你想像中勇敢、坚强、正面、有胸襟、有自信。可能你出呢个post嘅时候会觉得好好玩，好得意，又或者想得到其他人嘅认同令到你嘅感觉良好啲，我估我呢个post应该令你感觉到你会多返啲存在感。我见到你话想揾个地方写吓嘢，识吓人，你呢个想法系好好嘅，我亦都非常支持，但系如果系要写呢啲嘢去引人注意，你都要谂吓你吸引返嚟嘅，会系啲咩人。我相信你都听过一句说话：己所不欲，勿施于人。」
相关阅读：林盛斌大女林霏儿未成年惨遭性骚扰 嬲爆驳火意淫网民 怒斥「肮脏过份」吁积口德
林盛斌儿子妙问：吓，佢惊咩呀？
其后林盛斌在于自己的帖文中留言续说：「你谂吓，如果我将你阿妈个样post出嚟，然后写返类似你写嘅字，你嘅感觉系点呢？佢嘅感觉又会系点呢？又或者唔系你阿妈，系你嘅女朋友，或者好朋友，佢哋又会有咩感受呢？认真嘅，我真系好想你好好谂吓。我绝对唔系圣人，我都试过讲错嘢，亦都试过做错事，我仍然努力学习去改进同改善中，慢慢去认知乜嘢系啱，乜嘢系唔啱，你呢个post嘅内容，确实，真系有啲唔系咁好。其实，真系冇要求过要你特别去爱我哋，但系又有冇需要专登去攻击同伤害呢？你可能对我或者对我嘅屋企人有意见，不过，我仍然衷心祝福你有开心同愉快嘅生活。要话返俾你听，最后我都有答返我个仔个问题嘅，我同佢讲：「可能呢个哥哥好惊俾人见到佢个真样，所以佢咪唔放自己个头像上去啰，你见佢之前出嘅所有嘢都冇佢个样㗎，咁佢就可以喺个网络上面写好多嘢，啲人都唔知佢系边个，好似写乜都得咁啰。」跟住佢话：「吓，佢惊咩呀？」系啰，Kenny，你惊咩呀？」
林霏儿称收到不雅字句
林盛斌早前曾透露大女林霏儿蜜运中，但原来林霏儿桃花运旺，初恋之后换画，又在三个月内分手。其后林霏儿日前便在IG的限时动态公开受到性骚扰的字句，以黑底红字怒斥：「肮脏过份」，又强调为要为女性发声：「太过分，有必要讲出嚟！」
林盛斌大女林霏儿当时指，自己收到的粗俗意淫字句，不堪入目又露骨：「可以一X」。林霏儿就以：「积下口德好」回复，怎料对方再留下：「积下阴X德啦你」。林霏儿将截图放到IG表达不满：「控制唔到呢位仁兄讲乜，但系其实我真系好多人爱，好多人锡㗎！」又反问对方是否活得更幸福及被爱。
林霏儿之后再出PO表示：「我认为太过火，有必要讲出嚟。为自己发声永远没有错。」林霏儿再以英文写道：「我希望令这个城市、这个世界变得更美好。特别是为了那些在香港感到不安全和没有受到保护的女孩子们。我会支持你，与你同在。重申，为自己发声永远没有错。」
