八両金含冤反击 被前妻当「水鱼」索钱 揭从冇要求复合丨独家
发布时间：07:00 2025-10-24 HKT
今年7月，八両金（叶竞生）被前妻八両菜（何颛彤）突然控诉家暴、出轨、吃软饭等，更声称八両金罹患癌症「仅剩数月性命」，引发全城热议。愤怒的八両金随即透过《东周刊》公开申冤。时隔3个月，因医疗事故导致脚部重伤的八両菜陷入经济困境，她再度指责前夫是无情无义之人，更怒斥八両金曾提出复合，却仅愿支付每月2000元作为家用，直指这是对她的侮辱。对此，八両金无奈感叹：「我真系好辛苦，只希望今后各自生活，互不打扰。」 采访：方骞平
面对前妻连番指控，八両金接受《星岛头条》独家访问时苦恼回应：「又咩事有呢啲报道呢？之前乱嗡话我健康有问题，搞到好大镬，影响到我工作……我真系唔知点讲好。」他强调自己对得住天地良心并非无情无义，问题在于前妻不愿配合。八両金详细说明：「今次佢出事冇同我讲过。至于年前佢话脚有事，我有问佢边间医院？但佢提供嘅照片中只有医院、病床同伤脚，完全唔见人样，更加冇透露详情。我连边间医院都唔知，咁我点关心佢呀？加上我经常喺内地工作，照顾唔到佢，于是就索性提出，叫佢过嚟（内地）养病，我每月支付2000至3000元零用钱畀佢养病，屋企又有饭食，有家佣照顾，总算得到一个照应。」
对得住天地良心
八両金解释其安排的合理性：「我屋企请家佣都畀月薪$5000几啦，工人要打理家务，但佢只系喺屋企养病，又有零用钱使，仲有人煮嘢畀佢食。你话我今日发达大把钱就冇所谓，但我仲要养仔，所以我对得住天地良心。几十年嚟都系听到呢啲批评，真系好无语。」
返屋企只为养病
谈及过往，八両金透露前妻在20多年前离家出走后，曾从事地产行业赚得可观收入，直到去年才转做散工，因脚伤问题且无处栖身，只得租住㓥房。八両金表示：「我见佢环境咁差，唔忍心，就嗱嗱声畀家中钥匙佢，叫佢返嚟屋企住，反正香港住所有妹妹同佣人，虽然佢同我冇乜关系，但始终系阿仔妈妈，就系因为呢个原因，我对天发誓，帮佢并唔系叫佢嚟复合，NO！之后佢同人发生纠纷，所以冇再返嚟，屋企仲有几袋佢嘅衫留低咗。」
以后各行各路
日前八両金收看《东张西望》节目后，立即为儿子购买昨晚车票，并准备10000元现金带往香港医院，亲自了解前妻需要何种协助。八両金同时暗示前妻始终视他如「水鱼」，激动表示：「我已竭尽所能，过去佢每次回家攞钱，总系吵闹完就走，家中佣人都系见证。有时我唔喺香港，还透过几位好友以微信转钱畀佢，每次3000至5000元。」语毕他沉重叹息：「我好辛苦，真系好辛苦。今世同佢一齐咗5年，佢离家出走后我冇晒家庭乐，我乜都冇晒。今日唔系我走，系佢要走。」被问及是否愿意原谅前妻？八両金明确划清界线：「今后我过我嘅生活，佢走佢嘅路，彼此互不干扰，我都唔愿再多讲。」
