叶蒨文被轰是绿茶X 单亲家庭背景被指造假 回应网民遭批无礼：睇你靠恋情红得几耐
发布时间：20:00 2025-10-04 HKT
叶蒨文（Sophie）与曾展望（GM）因《女神配对计划》而爆红，两人在节目完结后多次公开拍拖，更以情侣档身份出席商业活动。早前叶蒨文接受传媒访问时，曾分享个人成长背景，提到自己在单亲家庭中长大。但近日有网民在社交平台发公开帖文，质疑叶蒨文说话「前言不对后语」，直言「都唔知几时真几时假」。
网民留言质疑叶蒨文：唔知几时真几时假
一名网民在7周前于叶蒨文的Threads帖文上留言说：「佢话佢单亲，但之前另一个访问有讲过自己同男朋友分手父母唔钟意，都唔知几时真几时假。」其后叶蒨文以个人Threads帐号留言回应说：「后父都系父，唔使质疑我讲嘢啦，揾唔到漏洞㗎，因为我讲嘅都系真话。」一星期后，该名网民又回复叶蒨文说：「咁观众点会无啦啦知你有后父？不知者不罪觉得奇怪唔使话人揾你漏洞呀？」
叶蒨文：我已经非常客气咁回应
相隔数星期后，叶蒨文又回复该名网民的留言说：「你如果喺你自己IG讲我唔理你，你入嚟我嘅专页并在我的专访下提出：唔知几时真几时假，提出对一个人人格真诚嘅质疑，我已经非常客气咁回应，希望唔好影响呢个专访嘅质感。我明白而家网络有啲人嘅心态都系钟意讲乜就讲乜，多少有点不负责任，但我都系坚持对人应该有返适当的尊重同礼貌。」其后该名网民又在同一星期内再次回复叶蒨文的留言说：「即系咁，人红咗都唔好咁自大，我留言系俾ESQUIREHK嘅，仲有我唔觉得你嘅回复有几礼貌，做明星做到你咁冇气量真系睇你靠恋情红得几耐。」
叶蒨文遭网民公审回应无礼
其后叶蒨文在两星期后又回复该帖文说：「首先，this is a collab post Obviously, and it’s on MY page too. 第二，自大同理直气壮系两样嘢，我由以前到而家处事都一样不卑不亢，就算参加恋爱综艺之前我见到有啲过分嘅网民我都会照样分享我嘅睇法 wish you all the best!」
这段在叶蒨文专页内的对话虽然到此结束，但该名网民较早前就将这段与叶蒨文的对话公开「贴堂」，并留言批评叶蒨文说：「古有好胜gigi 今有好胜sophie，事缘系有一排报导卖得好劲话佢系单亲成长，咁作为一个路人，真系冇特别去考究点解佢单亲同埋佢阿妈有冇再嫁俾第二个男人，结果有一日又有报导sell佢嘅感情屎，话同拍咗拖六年嘅男朋友分手父母都好反对，于是就有我第一个留言，然后不卑不亢嘅sophie不甘心被我”揾到漏洞”所以亲自回复，其实当时我已经解释咗唔会无啦啦知佢有后父，一直以为就咁完咗，点知本尊喺一个月后又覆咗我，当时已经觉得好搞笑 既然佢咁想同我互动 我又覆返佢啦，如是者又以为佢已经唔会再理，点知今日半夜三更又起身摷返嚟回应我，与其所有留言都要覆都要拗赢 浪费时间同啲键盘网民(me)明辨是非，不如用啲时间钻研下啲演技？？成件事劲无聊 纯粹想分享下佢啲文字版嘅绿茶Xtone。」
网民狂闹楼主：你呢种人真系性格差
不过该名网民发帖后，似乎没有得到网民支持，反而被多位网民留言狂闹，有人留言说：「公众人物解释两句都叫好胜，会唔会系你呢种错左唔认先叫好胜 自己冇道理就企图标签"绿茶"or"人红左"去模糊焦点，你呢种人真系性格差，够难顶。」、「楼主 del post啦 真系你有问题 又要挑机 又要输唔起 小学生咩」、「你都几无聊， 你质疑人地讲大话就得， 人地同你解释抗辩就唔得， 做艺人每个就都一定要卑微比你谴责唔可以反坑？ 就系因为有你尼（呢）d心态的网民， 先有网络欺凌。」
