伍富桥亿万老婆梁兆楹被挑衅爆喊 开Live反击寸对方惹错人：打狗要睇主人
发布时间：14:00 2025-10-01 HKT
由蒋怡（Coco）主持联同两大星级名厨张锦祥（Ricky )及余健志（Jacky）任主评判的HOY TV 全新饮食竞技节目《领厨争霸战》已经完满结束，最后由Owen凭著精湛厨艺获得冠军，梁兆楹（Shirley）获选亚军及「最强人气厨神」奖，想不到因为一个访问，触发了一轮骂战，梁兆楹开IG Live时一度激罕爆喊！
乐翊榆称以为梁兆楹系内定冠军
事缘有「美女玄学家」之称的乐翊榆（Annalise）今次为节目担任嘉宾，赛后乐翊榆受访时表示：「我本身系谂住Shirley，因为Shirley同大家熟，会唔会内定呢？点不知原来HOY TV 系咁公平㖞。」结果被辣㷫的梁兆楹转发乐翊榆IG限时动态的留言：「自己讲完都觉得好笑。」后说：「其实你咁有意见，不如返去叫你个台开个票数出嚟睇下。」
相关阅读：伍富桥「亿万老婆」梁兆楹出战《领厨争霸战》 因一事厨艺大爆发享受为家人下厨：好满足嘅事
梁兆楹寸爆乐翊榆「你今次真系惹错人」
梁兆楹昨晚（30日）曾在IG为此事开Live，她直言对方的言论对自己伤害甚大：「如果我想课金，我都唔会课一个猪肉奖畀自己，或者我会买个冠军畀自己。我觉得你好平常嘅一句嘢，可能你觉得好好笑，但系对我嚟讲系一个好大嘅侮辱。因为喺呢5个月，我真系自己去练习、研究食谱去做每一样嘢，到临阵上去比赛，系冇人代我煮，可能你哋觉得系剪接，但系呢个奖如果系觉得有异议，我可以唔要啲奖金，甚至攞返个奖出嚟，因为个奖对我嚟讲，我唔会喺呢方面发展，唔会系我个职业。」一度爆喊的梁兆楹待心情平伏后再说：「我又唔可以冇所谓，因为冇所谓系侮辱咗其他参赛者。我想讲个比赛真系公开公平公正，如果有咩不满，你可以直接DM我同我讲，而唔系喺背后做咁多小动作。我觉得自己有付出，所以我有必要去维护返我自己，同其他人嘅努力。」梁兆楹又称喊本身并不是她的性格：「呢个live真系失礼咗少少，但我真系忍唔到，做人都系唔可以太友善，可能要mean返少少，打狗要睇主人，你今次真系惹错人，我谂你真系好清楚你自己系边个。」
乐翊榆称笑自己嘅遭遇系唔公平
其后梁兆楹再贴出张截图，内有乐翊榆的留言：「我指嘅好笑系写稿马先生以前系我做嘅节目系我揾嘅item cut 走我。有记者会唔通知我出席。佢哋对我唔公平。我只系参与明星赛同埋部分买餸嘅拍摄，我唔知成个比赛嘅内情系点。我只系答记者个比赛公平，但系我笑自己嘅遭遇系唔公平。另外，如果你嘅资讯系来自一个记者，我坦诚咁讲，该记者自以前已经捉我访问嘅字眼嚟做文章，制造分化。我喺呢个电视台一向都其他艺人都唔熟悉，亦唔知道大家背景故事，但系该记者唔只一次用我嘅片言只语挑衅其他艺人，意图要所有人同我对立。我相信对你讲真话系化解误会嘅唯一方法，我亦都相信你系能够分辨是非。」梁兆楹亦有留言反击：「乐小姐你好，其实你要解释嘅唔系我，而系你所谓一句俾人所谓嘅挑拨，系会抹煞咗成个比赛嘅台前幕后、参赛者嘅努力，亦会令到所有评判、主持人嘅公信力被质疑，所以我先会畀反应你。至于你同马先生嘅过节并唔系我嘅问题，如果你可以先注意一下自己嘅言行举止，人哋系唔会有机会挑拨离间，制造分化，你嘅人缘关系问题，亦唔需要同我分享。我自问系一个可以明辨是非嘅人，亦听得明人话，己所不欲勿施于人，如果你曾经有个同样嘅遭遇，就更应该知道唔应该将自己一时嘅谂法去随便评论别人，希望你可以学识『道歉』两个字点样写，而唔系继续推卸责任。」
相关阅读：「亿万驸马」伍富桥新歌MV富贵太太「被演出」有原因 自家制作成本超乎想像
