苏施黄再被爆霸道恶行！再有前商台DJ爆料曾失控扔铰剪 强制熄咪禁持相反意见
发布时间：19:00 2025-09-25 HKT
商台DJ黎荣业（Tristan）主持节目《大玩派》、《台下十年功》同《一家大晒》，当年在泰山（本名曾匡民）离开商台后，跟苏施黄（阿苏）合作，之后网民翻Loop苏施黄在节目《苏GOOD》上，曾嫌雪糕贵掟小贩，去烧味档逐样弹，引起网民热议。Tristan现身 吴家乐、邓兆尊、谢逊主持YouTube频道节目《娱乐好好玩》时，坦言第一日返工已知会有机会与苏施黄拍档，而苏施黄亦会在试验新人反应时，爆粗闹人。
苏施黄闹人睇心情
Tristan爆料指苏施黄闹人睇心情，幸而未有被对方闹到喊：「但系我会嬲，一开始会觉得点解咁小嘅嘢，有时要睇佢嘅脾气。」Tristan解释泰山被掟笔，会将宣传稿放枱面，如果苏施黄觉得不满意就会飞纸掟嘢，太差就会掟笔，见乜扔乜：「我𠮶时试过扔铰剪。」
相关阅读：商台Dj泰山跟苏施黄揾食被闹足八年打散自尊：揾支笔车埋我度 阿苏回应指控：仍然系大魔头
Tristan与苏施黄合作七年，坦言算好彩：「因为接手嘅时刻（苏施黄）生完癌，最燥底嘅时候过晒，变返温和咗嘅羊。但都燥底有时睇心情，feel到佢唔对路呢，真系会无无厘啦更都揾嘢闹，你冇做错嘢都会闹嘅。」Tristan因知对方性格，加上每日只相处两小时，自行消化就可以。
相关阅读：70岁金牌主持两度患癌 久休复出做直播有惊人变化 骚化疗恐怖后遗症：条血管死咗
主持吴家乐问到新人被安排招呼「太后」苏施黄，可否拒绝时，Tristan笑说：「咁冇㗎！呢组死亡组嚟㗎！」Tristan当时被安排入组坦言没有太多想法：「个个都话佢好恐怖，细路哥未见过咩叫恐怖嘅嘢。」Tristan又指苏施黄不分男女、嘉宾都会闹，但甚少人驳嘴。
苏施黄一言堂不接受意见分歧
但Tristan曾试过与苏施黄在意见上分歧，遭对方强制熄咪：「我记得有一次好反对佢，有一日题目』分咗手做唔做到朋友』，呢个好个人意见，咁我就分咗手可以做朋友，佢觉得分咗手唔可以做朋友，开紧咪嘅，佢话『你识啲咩丫』，唔俾我再出声，即刻拎开我支咪，我系禁言，我系唔开心嘅。」
相关阅读：苏施黄嫌雪糕贵掟小贩片段翻HIT兼疯传 IG留言辣庆网民：根本就冇料到
