詹瑞文前妻甄咏蓓罕谈离婚：唔钟意做怨妇 女儿受家变影响 曾幻想父母会复合
发布时间：11:00 2025-09-20 HKT
新一代喜剧大师的詹瑞文（现名詹昊宸）在2013年与舞台剧导演兼及戏剧导师甄咏蓓（Olivia）结束20年婚姻，女儿詹乐童随母生活。詹瑞文与甄咏蓓识于微时，二人创立PIP文化产业，不过有指二人离婚前的两年才注册成为夫妇。詹瑞文曾表示与甄咏蓓离婚后，女儿交由甄咏蓓照顾，并强调彼此间有默契，再见亦是朋友。
甄咏蓓罕谈与前夫詹瑞文离婚
甄咏蓓早前接受方健仪的YouTube节目「女人方言」的访问，罕谈与前夫詹瑞文离婚，甄咏蓓坦承已酝酿一段日子，当决定离婚的时候，「脑海一片空白，好shocked」，但同时因家庭环境的转变，女儿竟然留班：「佢可能好混乱，亦好敏感，唔识表达。后来我发现，我情绪ok，佢就ok。」结果甄咏蓓决定多陪伴，多聆听，陪著女儿一起经历，直到现在母女的感情要好，就像朋友一样。
相关阅读：詹瑞文前妻56岁生日罕有公开女儿照片 21岁皮肤白净脸尖拥迷人大眼
甄咏蓓与前夫决定分开脑海一片空白
谈到当日离婚经过，甄咏蓓说：「我谂好多女性都希望有一个幸福嘅家庭，但系好多时候系事与愿违。因为喺好多原因之下，可能性格不合、生活上嘅不适应，其实就有一个好似叫梦嘅破碎。其实离婚之前嘅一段日子，一定系酝酿咗好多问题，我同前夫决定分开嘅时候，其实脑海系一片空白，因为呢件事好shock，当时我个女儿仲好细，七、八岁，你只有一样嘢，就系要保护佢，一个母鸡嘅本能，我一定要保护我嘅女儿。」甄咏蓓称最初一定有很情绪：「有一日会好伤心、有一天会婉惜、有一天会好生气，我记得有个朋友同我讲，千祈唔好抑压自己嘅情绪，你今日生气，要接受自己生气。你今日好伤心，要接受自己伤心，呢个系一个好好嘅提醒。」
甄咏蓓女儿在澳洲读物理治疗
甄咏蓓听从朋友的意见，给自己接受情绪，慢慢开始接受，处理人生同面对将来：「喺低谷嘅时候我睇到自己好多好嘅嘢，亦睇到自己嘅缺点。原来我系一个好骄傲嘅人，小时候都叫少年得志，有啲睇唔起人同自我，我要喺整个过程学识谦卑。原来我都唔系一个好依恋过去嘅人，可以好撇脱，我亦唔钟意做怨妇，唔钟意埋怨生命、埋怨别人，我觉得有路可走，只要你嘅心系善良嘅时候，我相信𠮶啲善良系可以帮你过度危机。」不过与前夫离婚后，甄咏蓓说：「因为佢仲细，唔知点样同佢讲，我哋分咗1、2年，佢仲有幻想我哋会喺返埋一齐。我唯有用佢识得嘅语言同认知话畀佢知，陪伴都好重要，我记得分开第一年，佢留班，我知系屋企嘅问题，所以用方法去帮佢，一齐走过呢个经历。」甄咏蓓的女儿已经21岁，母女的感情很好：「佢而家喺澳洲读物理治疗，我哋嘅关系好似朋友。」
相关阅读：詹瑞文传丧偶丨现任Amenda传介入「踢走」甄咏蓓 结束20年婚姻女儿随母生活
