黄淑蔓被影射W姓歌手床功劲阿妈嬲爆 云浩影美容疗程后敏感男友冇安慰
发布时间：12:15 2025-09-14 HKT
网台节目《情感关注组》日前节目上，有跨性别人士爆W姓女歌手做小三兼床上勾引功力深厚，节目出街后，黄淑蔓（Feanna）即成为网民推测「头号嫌疑人」，她昨晚（13日）与云浩影（Cloud）一起出席慈善晚会，对于被指是「W姓女歌手」，她坦言最初也感愕然，收到公司讯息时还以为是自己做错事：「我听嘅时候都觉得佢讲嘅人几似我，但𠮶单嘢真系完全唔关我事，冇发生过，所以都简单喺社交媒体度澄清一下，冇做过唔再多讲。」
黄淑蔓被屈反安慰妈咪
至于是否八卦所谈的女歌手是谁？黄淑蔓笑言不会，同时直言觉得冤枉，始终是女仔，不认识自己的人可能会误会她，对名声有影响：「其实都唔开心㗎老实讲，最好彩系身边嘅人都相信我。」云浩影也指，有问过黄淑蔓是否有得罪人，黄淑蔓自我安慰表示，若对方的幻想对象是自己也觉得开心：「如果真系嘅话，大家谂起唱歌好听嘅女歌手都会谂起我，我向好方面谂就惟有咁。（屋企人担心？）妈咪比较含蓄少少，最近出去食饭佢先有突然问我，佢都好嬲啲人点解会咁样，我有安慰佢。」至于云浩影日前在社交网站中透露接受完美容疗程后敏感，她指最初脸部好痕，但并不算很严重，食完药后情况改善，而因为这两天要出席活动也有粉丝聚会，要近距离见大家，故也担心。提到男友T-Ma相处是更近距离，云浩影说：「我希望有人系钟意我内在，佢都有问我。（男友点安慰？）自己嘅嘢自己解决，咁大个人。（你点嘅样佢都钟意？）我真系唔知，你问吓佢！」
云浩影指演唱会前推出了新歌《你的损失》，故事描述「被男友抛弃是对方损失」，问是否唱给前度听？云浩影说：「又唔好咁讲，系一个好好嘅鼓励自己方法，好多时爱情上我都真系柔弱，反而唔识谂系你的损失咁，所以我觉得都要鼓励多啲女仔同埋所有受伤嘅人，错过一个唔爱你嘅人系佢哋嘅损失！」云浩影9月尾推出新歌《我们还有几多时间》就是讲述一对情侣，不知道双方可以一齐多久，像倒数，问到是否怕男友觉得是唱给他听？云浩影笑言：「如果佢对号入座，咁系佢问题，佢要检讨一下！」黄淑蔓稍后也推新歌，不再是情感题材，笑说：「爱情呢啲嘢不嬲成日喺我身边，我咁靓女如果冇就好大镬！」而新歌是以「名次」作为创作方向。
