陈懿德为罗天宇疾呼：佢善良唔花心 荣幸成为绯闻男友「收割」对象 丨独家
发布时间：07:00 2025-08-27 HKT
27岁TVB「上位小花」陈懿德备受TVB力捧，不仅任台庆颁奖典礼唯一司仪，更勇夺「最佳女新人」，近期再下一城，首度挑大梁主持歌唱大赛《声秀》。事业蒸蒸日上之际，她的感情生活亦成为焦点，虽然德德唔认爱「女神收割机」罗天宇，但却出口维护，并以朋友身份为他辩护：「朋友角度睇佢唔花心㗎！」女神还为他「加持」，叮嘱大家要多留意他善良的一面。采访：方骞平 摄影：谭志光 场地：NOI by Paulo Airaudo
懿德在社交平台罕有吐露心声，直言独自主持选秀节目「压力山大」，希望观众多多包容。作为「女新人」，陈懿德坦言暂未算得认同：「因为我经验未够，个奖只系代表我有机会做到最佳位置，𠵱家未去到最佳位置。未来我希望做到更加好，令到自己更加值得拥有呢个奖。」
德德的谦卑，源于她做过刘德华、刘青云、郭富城等天王巨星访问的感悟，尤其被郭富城的自律深深震撼：「城城同我透露过，佢每朝点就起身，中间会做运动及排舞，直至凌晨才能休息，严控饮食。」陈懿德直言从他们身上看到自己的渺小：「见到城城就算系天王咁成功，但喺今时今日依然都咁努力咁鞭策自己㖞，我陈懿德系喺底𠮶层，凭乜可以放慢脚步呀？应该要更加用心啲。」她形容每做一个专访似睇紧一本书，成为最佳借镜：「去年专访到刘德华，觉得佢好亲切，令我做访问好舒服，冇压力。」另外，她最深印象，第一次做主持时，在公司节目巡礼跟林盛斌(BOB)相遇，阿BOB见到她正在努力背稿便上前对鼓励她说：「阿德，你要同自己讲I AM THE BEST，我一定会做到最好㗎，全场都会钟意我。」阿BOB的技术性提点变成德德自信心来源。德德自爆心目中有个「自肥计划」：「希望做到一个属于自己嘅节目，请嘉宾如林峰、郭富城、陈慧琳、容祖儿等上嚟CHIL住讲生活。」她明白挑战性高，「其实做呢啲唔容易，但都想试下，做到一个属于自己嘅节目都会有得提升，做得唔好话咪下次做好啲啰。」
叮嘱要着重本质
谈及备受关注的绯闻，对于早前《东周刊》影到陈懿德带同妈咪与罗天宇共晋晚餐，恋情似乎浮上水面，对此，陈懿德显得更为谨慎，强调两人相处模式自然。「正常一班朋友食完饭夹返钱。」还补充：「我哋冇乜两个人一齐时间...」德德低调处理感情生活有原因：「任何一个艺人都想聚焦喺自己工作上多啲，尤其我资历尚浅。」她更戥好朋友于罗天宇被标签为「花心」、「女神收割机」等不值，为他辩护说：「喺朋友角度睇佢唔花心㗎。」她更恳切地呼吁大家：「其实唔止系佢，就算系每一个人，应该由同佢认识嘅经历过程，去了解佢系点样嘅人，唔好听人讲。」她觉得罗天宇其实很「惨」，因为其努力成果被绯闻掩盖。「大家讲佢绯闻多过佢嘅工作！上年佢有5套剧出《巾帼枭雄之悬崖》、《再见·枕边人》、《婚后事》都有noise，话佢同以前有唔同，做得几好嘛，呢啲Focus会比较好。」虽然承认绯闻报道较「Juicy」，但认为大家应更关注他的专业表现。当被问到是否觉得成为「收割对象」之一很荣幸时，她忍不住笑言：「我唔知呀，哈！我哋系好朋友，又冇话收唔收割嘅，但佢系一个几好性格嘅朋友。」
对择偶唔拣花心男
至于择偶条件，陈懿德表示善良、上进、孝顺是关键，并直接回应：「个个都唔会拣个花心男友。」被追问罗天宇是否符合时？她强调交友看重本质：「认同反感就做唔到朋友嘅，我身边朋友应该都系有呢啲善良特质先做到朋友嘅。」
