TVB「千禧视后」认黑面神屡传跟女星不和：啲人只谂自己数大叠银纸平衡拍剧不满心理

更新时间：09:00 2025-08-25 HKT
发布时间：09:00 2025-08-25 HKT

刚满55岁，跟蔡少芬、陈慧珊、郭可盈同封「90年代TVB四大花旦」的宣萱，毕业於伦敦大学帝国理工学院，是名副其实的学霸，因为鬼妹仔直率性格、样貌，宣萱十分入屋，更凭《刑事侦缉档案IV》于1999年荣封视后，近期她再捧走新加坡视后，演技早已备受肯定。宣萱因为甚有原则，一直被盛传爱黑面和难相处，近日她接受方健仪访问，她就直认自己「肯定系黑面」，更指「好多人都净系谂自己」；亦试过因为不想到内地拍剧，就带大量现金北上「边数钱边拍摄」来平衡心理。

宣萱：我肯定系黑面

多年来宣萱都被指难相处，亦多次被传出跟同剧女明星不和，当中包括张可颐、陈慧珊、郭蔼明等。方健仪指自己感受不到，但宣萱有否听说过自己是「黑面神」？宣萱就笑说是因为方健仪没有做错事。宣萱表示：「我自己冇听过，但我肯定系黑面，因为我唔会收埋。通常都系人哋一定系做错咗某啲事，如果你日日发紧梦，又唔留心，大家讲咗你又唔做，唔读剧本又迟到，我工作上嘅黑面比较多」。宣萱指，如果私底下被攻击私隐亦会黑面：「你连基本尊重都做唔到！有好多人净系谂自己、以自己为中心，咁样系唔得」。宣萱表示现时有将「自己条线降低」，但她就不能接受其他人没礼貌。

宣萱认自己系黑面神：

宣萱通淋巴冻龄

方健仪之后问宣萱如何保养，原来通淋巴是宣萱的冻龄秘诀；她亦认为每个人都需要找到平衡心理的办法，如果平衡不来就好大压力，对外表抑或心理都不健康。宣萱表示：「就好似返内地拍剧，以前环境好差，我每一次返去都要入医院，肠胃炎好严重。有一次净系得我一个香港人返去，虽然人工都好可观，但我都唔想返。」

宣萱数巨款来平衡心理

宣萱表示经理人教了她一招，让她豁然开朗：「经理人话，人要揾到一个平衡，有啲嘢唔系你最想做，但你唔可以样样唔钟意就话唔做。佢同我讲，总之你攞住叠现金上去，如果数钱可以平衡心理就去做，当时我真系攞咗叠Cash喺上面数，之后就拍得好开心」。

宣萱单身多年：接受上天训练

宣萱入行后曾公开5段情，到2016年和意大利型男Fran分手后，多年来都保持单身。宣萱亦承认单身了很多年：「我依家好享受一个人，都唔知系唔系好事。有同伴去分享当然系好事，但人大咗，就知男朋友、老公或者朋友都系一种情，唔使咁执着系唔系爱情。我其实有好多异性朋友，不过仲未遇到一个可以做男朋友嘅人。我系觉得系会有嘅，只不过未出现，依家系个天训练紧我啫」。