林家谦演唱会｜拖Stephy唱《心急人上》谂起表姐由K房唱到上红馆梦想成真

更新时间：16:15 2025-08-24 HKT
发布时间：16:15 2025-08-24 HKT

林家谦《White Summer》演唱会来到第四场，邀请邓丽欣（Stephy）做嘉宾，两人由大礼物盒中登场合唱《十分爱》，瞬间点燃全场气氛。合唱后家谦难掩兴奋，向Stephy坦言：「多谢你，我愿望成真啦！我有个梦想就系可以同你唱《十分爱》呀！」Stephy好奇追问：「你之前提到细个𠮶阵，细个系咩？而家讲吓……」家谦回应：「我细个唱K成日唱呢首歌啰，今日终于同『行走』的单声道合唱！」当Stephy笑问「细个即系几岁？」时，家谦即超速转数：「6岁就渴望爱情呀（《心急人上》歌词）！哈哈哈，冇咁细，我唔系MC（张天赋）！」引发全场大笑。

林家谦与Stephy大讲有味笑话

至于Stephy就多谢家谦早前为她写了《戏一场》，「佢不单出嚟同我倾偈，又细心问我想要啲咩，又好快就写好，个demo版本已经好好听，我成日喺屋企J首Demo，而家都系我个playlist到！」家谦受宠若惊：「吓？Stephy J我𠮶啲……哗！咁好，多谢多谢，受宠若惊，可以写上Wikipedia，畀Stephy J我啲歌！」Stephy笑问︰「咁下次再多多合作啦。」家谦几乎系即刻答应：「得呀！我咃合唱都得。」之后再合唱《心急人上》，将现场变成大型卡拉OK现场，家谦笑言：「呢首都系我童年回忆，以前同表姐们喺K房一定会关灯跳唱呢首歌呀。今日表姐佢哋都有嚟呀，叫埋佢哋一齐跳，哈哈……」Stephy则笑道：「我就系想睇你跳舞！上次你红馆演唱会，我有来睇呀！你啲舞蹈，真系睇到我『哗哗』声，哈哈哈！」

↓立即下载星岛头条App↓