79岁Joe Junior自爆喺TVB畀人虾：有啲导演扮晒嘢 因一事被当众狂闹 忍气吞声费事嘈
发布时间：20:00 2025-08-23 HKT
屹立歌坛逾半世纪的Joe Junior（罗利期）在60年当过酒楼驻场歌星，做过英文乐队成员，曾因翻唱《Here's a heart》连续七周高踞流行榜榜首兼销量达二万张，被誉为「香港60年代乐坛宠儿」。直到1997年，Joe Junior从美国回流返港加入TVB做演员，曾因在神剧《天与地》演「Dr. Dylan」一角而广为人知。
Joe Junior入行系食咗好多苦头
Joe Junior日前接受好友杨绍鸿的YouTube节目《小鸿吹水站3》，明年除了是Joe Junior的80岁生日外，亦是他入行60年的大日子，回望过去，Joe Junior坦言觉得感恩：「我入行系食咗好多苦头，试过畀人笃住面与口与鼻，不过我面皮厚，揾食啫，我听天由命，最大得着咪揾到个好老婆。」
相关阅读：Joe junior老婆激罕露面 大排筵席群星到贺红宝石婚 太太曾任夜总会舞蹈员一度小产至今未有子女
Joe Junior冇谂过做主角
Joe Junior加入TVB后演出不少剧集，在节目上，他直言：「我冇谂过做主角，或者做乜嘢特别嘅配角，又或者拎乜嘢奖，我边度够人叻，总之TVB咁多监制，每一个监制畀两集我就够，我唔系谦虚，系事实，我真系唔够人叻， 我识中文，人哋嘅中文叻过我，我学到拍戏，但我会睇人哋拍戏叻唔叻，因为我哋睇鬼佬咁讲『action speak louder than words』，有时望吓你，已经知你做咗戏，我最重要系出嚟，人哋钟意睇我就算。」Joe Junior还说：「我经历咗太多嘢，唔需要认叻，我根本就唔系叻， 人哋都系读大学、训练班出嚟，我唔系，我睇好多戏，甚至而家外国片、50年代嘅西片、周星驰、乜嘢大哥嘅戏，我都系睇完学人哋嘅演技，慢慢去学。」不过Joe Junior曾被TVB导演当众怒骂：「我试过明明读熟晒个剧本，点知埋位NG咗几次，有啲导演扮晒嘢，走出嚟闹我有冇睇剧本，我咪话对唔住，今日有少少瞓得唔好，我都费事嘈，由佢威啰，咪由佢闹，叻得去边呀。」
Joe Junior入行最大得着娶到好老婆
不过对于Joe Junior而言，入行最大得着当然娶到好老婆：「𠮶阵我喺海城酒楼夜总会唱歌，佢嚟跳中国舞，我哋见到倾吓偈，呢个女仔睇落内在美同外在美，最终我哋拍咗7年拖，带佢见老窦话娶佢做老婆一流。我哋海城酒楼摆酒，我叫老板唔好收我咁贵，佢话已经好平，已经畀咗面。我唔系好有钱，沉默是金，自己做好自己, 有苦自己知，有钱自己知，总之我冇问人借，做好自己本分。我娶佢𠮶阵系唔够钱，点知摆完酒后，礼金赚咗，够钱去日本度蜜月，仲可以带埋外母一齐去。 」至于夫妻相处之道，Joe Junior说：「未娶佢之前，唔系夸张，我有很多女朋友，但个个都是拖吓手仔、打招呼， 不过女朋友还女朋友，老婆娶咗返嚟就要锡佢。」
相关阅读：70年代殿堂级歌手吸金力惊人 月入5位数兼多女埋身 曾因一首禁歌毁形象：伤害得好紧要
