东张西望丨「烧香男」为空气清新剂与邻居少女对质 各执一词不欢而散爆seed做呢件事
发布时间：22:00 2025-08-15 HKT
今晚（15日）TVB《东张西望》播出一宗邻里纠纷，弱质女流Joyce因烧香问题向邻居作出投诉，结果被 「烧香男」不分昼夜责骂，令她的精神大受困扰。
「烧香男」在Joyce的门口不停叫嚣
在闭路电视的影片所见，看到身形高大的「烧香男」在Joyce的门口不停叫嚣，狂闹：「废物，唔好停手呀，停手就死全家！」、「扮唔喺度？扮可怜。见你一次X你一次。」
相关阅读：东张西望丨元朗13岁男童涉非礼7岁女童 受害人重组被侵犯经过：系咁摸我屁股，抱我去角落
事件令Joyce担惊受怕情绪大受困扰
事件令Joyce担惊受怕，只要「烧香男」一出口吓到「腾腾震」情绪大受困扰。对于事件的起因，原来与喷空气清新剂有关，「烧香男」隔着铁闸接受《东张西望》访问，谈及事发经过：「上年端午节嘅前一晚，我唔知点解楼上、楼下各装多咗３、４支香，装完之后咪入返屋，跟住闻到一啲空气清新剂嘅味，跟住我咪拍佢门，因为我揾唔到佢屋企个门钟，佢隔离有乜家庭成员呢？我知系有两个女仔同一个阿妈。」「烧香男」续说：「𠮶个阿妈第一句就问我『信乜嘢神？你唔装香畀埋自己？』我咪话『我装埋畀你呀』，再同佢阿妈讲『对唔住，我每日上三枝香，每次一支、早估午晚』，跟住佢阿妈同我讲『好呀，唔该晒』之后就闩门。点知过咗一日就照喷，系空气清新剂嘅味道，到而家都系。中间闹佢喷嘢喷得好劲，连lift口都闻，𠮶种浓嘅味道系好夸张。」
「烧香男」坚称烟味问题已经大大改善
「烧香男」坚称烟味问题已经大大改善「我已经去咗太子花园街啲香烛店买啲短香，系冇乜味，但系佢（Joyce）仲不断投诉，揾消防、警察，因为佢扮受害者，佢系女仔我系男人，以为自己业主大晒，跟住业主同我讲，话佢推翻晒所有嘢，话自己冇讲，佢激嬲咗个业主之后，我就畀每日装三次香，每次三支。我哋啲嘢本来系倾好咗，我同佢阿妈倾好，佢仲系继续喷，第二次我业主同佢倾好，佢又当冇讲过，全部推翻晒，即系摆明有心搞嘢，佢傻架，你去访问吓佢，点解讲完啲嘢唔算数。」
相关阅读：东张西望丨六旬失婚妇遭「靓仔」威胁绑架逼上床：我已经冇晒呢种知觉 被问拎裸照强硬拒爱
Joyce即场与「烧香男」对质
Joyce即场与「烧香男」对质：「当初喷空气清新剂都系因为啲香味太劲，（点解同业主推翻）你攞啲证据出嚟。（你同巢小姐，你去问佢喇，你话你有佢电话）我完全冇啰，（你喺度扮傻扮惨）你一路屈我，（我业主话send畀我，我唔要，因为私隐问题，你问佢喇）」接着「烧香男」一轮咀指责Jocye，Jocye忍不住说：「你喺边度同我阿妈倾过？（门口）我阿妈从来都冇上过嚟，从来都冇母亲存在过（你讲大话，到而家都仲要讲大话，我讲大话肠穿肚烂）。」Joyce坚称当时只有她自己一人：「其实你讲𠮶个根本就系我嚟，但系你自己觉得系同我阿妈讲嘢，除咗第一次用咗空气清新剂之外，之后系从来都冇喷过。喷嘢系一个动作，你有冇证据呀？」
「烧香男」突然爆seed称而家搬走
Jocye称每一日都忍受装香的气味，经过你一言我一语后，「烧香男」突然爆seed：「我知道，我有同你讲过对唔住，我而家搬走，怕咗佢，系我自己话要搬，我都搬走喇，你而家仲要搞埋《东张西望》，我更加唔钟意佢喇。」不过原来调停事件的巢小姐，突然企在「烧香男」一方，反指Jocye才是始作俑者：「佢系神神化化，誓不罢休就要揾你麻烦，我唔知佢系咪有睇精神科，呢件事系令佢好激动，开头以为佢好讲道理，点知佢应承咗你啲嘢，系会推倒从来，好小事之嘛，一个装香就嚟啲嘢喷过嚟，再用啲小动物邪住人哋，何必呢，我都有租客讲叫佢装闭路电视，佢唔上肯，佢傻架嘛，我仲理佢咩。我冇见佢嘅妈咪，亦都唔智知边个系。」最后Jocye无助地痛哭：「我觉得佢大话连篇，讲嘅嘢全部冇证据，我第一次喷完已经揼咗空气清新剂，佢话搬梗系心情轻松咗，我希望佢搬走之前唔好再有其他嘢发生。」
