COLLAR亚博骚主题曲面世 MV玩转超能力 Candy渴望瞬间转移︰可以悭车钱
发布时间：16:15 2025-08-15 HKT
乐坛女子组合COLLAR将于本月28至29日，在亚博迎来第二个演唱会《COLLAR “GAME ON” LIVE 2025》。演唱会举行在即，7位成员Marf（邱彦筒）、Gao（沈贞巧）、Day（许轶）、Candy（王家晴）、Winka（陈泳伽）、Ivy（苏雅琳）及Sumling（李芯駖），正进行地狱式排舞。
Ivy钟意睇《变种特工》
而为配合演唱会「GAME ON」主题，COLLAR昨日推出年度第三首团歌兼演唱会主题曲《Riding High》，MV以科学实验为题，以代表COLLAR由七种截然不同「元素」混合而成，产生团队独有风格。《Riding High》以科学实验为题，天马行空，大玩古灵精怪作风，讲述COLLAR成员各自拥有不同的超能力，Gao表示：「其实呢首歌同COLLAR本身都几吻合，呢几年我哋嘅歌都冇一个固定风格，同团队不断寻求唔同嘅尝试，睇睇将七种截然不同嘅元素捞埋一齐，会出现啲咩可能性，呢方面同做实验嘅精神不谋而合，可能不按次序出牌就系COLLAR独有嘅风格。」
MV中，COLLAR各怀超能力，当中Ivy拥有时间控制的能力，她说：「有一幕讲我可以令啲保安停晒喺度，当初听到呢一幕，我已经非常兴奋，因为细个钟意嘅电影系《变种特工》内里有个角色叫『快银』，讲佢跑得好快，佢快到其他人几乎似静止动作。」至于Candy在MV中拥有瞬间转移的超能力，她指：「现实我都想拥有自己的超能力︰瞬间转移，咁可以悭车钱，拍嘢无论喺边度拍都可以收工1秒返到屋企。」
COLLAR排舞室当屋企
提到演唱会《COLLAR “GAME ON” LIVE 2025》进入倒数阶段，各成员积极备战，Day表示：「排练得如火如荼，最地狱式系排舞，每日都排舞，因为我哋每首歌，就算系今次嘅新歌都系跳唱，希望带到更好嘅跳唱演出嚟畀大家睇。」Ivy透露每次演唱会排练过程期间，都会遇上有成员感冒，今次亦不例外，她笑言自己是幸存者，指希望各成员早日回复健康。芯駖表示：「上次演唱会，个人觉得好多地方可以改善，唔觉得好大压力；今次观众会睇到平时未必见到嘅COLLAR一面及表演。」Winka表示︰「rundown同舞台设计，同上次都差好远，希望大家会期待一下。」
