混血女星嫁入豪门惹人艳羡惊爆需求助婚姻辅导斥老公不合作：劣根性冇改到

更新时间：21:00 2025-08-10 HKT
发布时间：21:00 2025-08-10 HKT

现年35岁、中韩混血女星Sue Chang张厚耀，跟富贵老公同三名子女住在大埔比华利山，嫁入豪门后创立亲子时装品牌、珠宝品牌以及画廊，过着阔太生活。但她近日就意外有网上自爆，跟老公要睇婚姻辅导，但表示效果未如理想，更直指「另一半唔系好合作的话，其实完全无咩帮助」，并表示彼此的「劣根性根本冇改到」，婚姻状态令人担心。

Sue Chang张厚耀同老公感情出问题？

Sue Chang张厚耀于网上极有名气，早前就获前港姐冠军陈凯琳之邀一起拍节目，她嫁入豪门后诞下3个子女，并不时于网上分享幸福生活，但原来她跟老公感情出现问题，更承认两夫妻曾见婚姻辅导，不过就「唔帮得几多」。

相关阅读：34岁富贵混血女主持人奶水柱激射面颊惹热议分享生B塞奶之苦

Sue Chang张厚耀认睇婚姻辅导：

Sue Chang张厚耀：睇婚姻辅导要好多钱

Sue Chang张厚耀昨日于Threads撰文，指见婚姻辅导，始终是有正面作用：「我觉得见吓系几好，佢会帮你脱离受害者角度去谂嘢，因为当你入咗间房要分享心事嘅时候，好容易会成为左受害者既身份去讲出自己嘅委屈、伤心同愤怒（有时会同老公一齐见，有时会单独见）婚姻辅导会理性分析我地既关系点样失衡，同教导我地建立一个家嘅核心结构有边几点系好重要⋯你亦都会惊讶地发现自己原生家庭对你段婚姻影响系有几大，但当然会好花时间同好花钱。我好记得一开始辅导师仲俾咗功课我哋返去做，佢要我地真系放低手机（较飞行模式）、小朋友同工作，揾一个安静嘅空间，面对面望住大家倾吓当初系点样钟意左对方而一齐的，佢希望我地做完呢份功课后，可以尝试帮到我地揾返初时认识既甜蜜感觉。」

Sue Chang张厚耀：婚姻辅导仅帮到2成

Sue Chang张厚耀指两夫妇有听从建议认真做功课，但效益却不大：「我哋一路饮酒一路倾，但觉得效果未够理想⋯因为一齐10几年，又生晒小朋友，仲点揾得返𠮶份甜蜜？有啲好似夹硬嚟，同埋如果你既另一半唔系好合作的话....其实完全无咩帮助。对我嚟讲，婚姻辅导帮到我哋20%？系，真系帮助唔大，因为我哋既劣根性根本冇改到」。