黑雨丨杨卓娜回家途中遇「决堤」险被水冲跌 清晨赶赴机场寸步难行：真系OMG
发布时间：16:00 2025-08-05 HKT
【天文台/黑雨/红雨/天气/HKO】受活跃西南季候风及高空扰动影响，本港及珠江口一带持续有强雷雨区发展。天文台于周二（8月5日）清晨5时50分再度发出黑色暴雨警报信号，预告黑雨最少维持至下午5时，今次是天文台8日内四度发出黑色暴雨警报信号。受狂风暴雨影响下，杨卓娜连环发生「黑仔事件簿」。
杨卓娜今日在IG贴上手持特区护照并在叹午餐相片，表面上看来状甚轻松，似乎未有受恶劣天气影响，但原来相片背后有一段故，杨卓娜撰长文大吐苦水，从昨晚（8月4日）深夜11时45分天文台发出黑色暴雨警告信号后，头头碰着黑并说：「疲于奔命的12小时！可恶嘅黑雨！」
相关阅读：黑雨｜郑丹瑞女儿郑瑶老公清晨狂风暴雨下坚持外出 老婆不适卧病在床仍做一事：crazy！
杨卓娜黑雨回家途中险被水冲跌
杨卓娜今日在IG撰长文分享连环发生「黑仔事件簿」：「㖊晚半夜2:30am左右，黑雨浸到车位前嘅马路好似黄河咁，车返唔到屋企，我只能停泊一边，徒步回家，争啲畀水冲跌！突然醒起未拎Passport，随手拎起放入手袋，梳洗完谂住争取时间去休息，结果行雷闪电雨声，令我担心咗一晚，又担心早上都移唔到车返车位，又担心早上水浸太深未退，离开唔到屋企去机场，结果成晚都冇瞓！好唔容易顶住黑雨，早上终于call到车前往机场，去到机场check-in先发现原来我个Passport唔系Passport holder入边，呢一刻真系「OMG」，「如雷灌顶」，呆咗！」
杨卓娜十万火急撞正黑雨 寸步难行
杨卓娜续说：「畀人教训咗10分钟，终于成功教工人姐姐揾到我个Passport，谂住过到关，但系又call唔到车，最后终于得到好邻居嘅帮助送姐姐和passport来机场，但系，行行吓，路上又水浸全部车死火，天啊，旅行先嚟黑雨，仲要十万火急撞正黑雨， 寸步难行。等咗1小时，我嘅英勇邻居为咗唔好再喺路上遇上更多嘅水浸，更多嘅延误，终于决定将姐姐车到去地铁站，我聪明又善良嘅姐姐，最后几经辛苦再用咗一个半小时终于将我嘅Passport送到我手上！飞机当然就搭唔到啦，唯有转下一班！」杨卓娜感谢航空公司的协助，令六神无主的她很快可以安定下来：「虽然我要拜拜杨生同豹豹佢哋条尾，但系无端端赚咗几个钟头me time可以好好行吓街，喺机场食个靓lunch， 上机之后就可以好好补眠寻晚欠咗嘅美容觉！经一事长一智，下次真系要小心啲，拎咗Passport Holder，唔等于拎咗Passport 㗎！反省完毕，继续食嘢！」
相关阅读：黑雨｜张敬轩暴雨下路经般咸道见证好人好事 「网球袋叔叔」一人拯救成条马路：好人有好报
